Heseki’el 44:1 - NQAARIIT NE ROOG

¹ O koor oxe a nomtiidaxam farna fo o don-maax tafil ole no Mbind Roog ne faambir’ina no batand. Kaa weg’el rap.

Heseki’el 44:1 Referans Kwoze

Heseki’el 43:1

O koor oxe a ɓisaxam farna fo o don-maax ole, ole faambir’ina no batand.

Heseki’el 42:14

Yaa saasadax we a ndokkaa no mbiñ o tedu nqeene, sutoorkee teen, a sag no maax-tafil ole, ndaa xan a ndoon maaga ñirax ke da mbadnitaa o far den, yaam ñirax keene kaa ted. Xan a ndokoox ñirax lakas, ndax da matiid o mbiñ onqe kesaneena xeet fee.»

Heseki’el 40:17

O koor oxe a ɓisaxam no maax-tafil ole, too a jeg’a maaga tok fo o dung, a nqendandel a paax me widna o maax ole. A jeg’a tok qarɓeen tadik took o dung oleene.

Heseki’el 40:6

A reta farna fo o njibir onqaa faambir’ina no batand, a wad o toŋ-toŋ ole soo a liiƥ peg ne no njibir onqe, o tinqel ole a fodir’ina fo o siind ole ten.

Heseki’el 46:1

Keeke o Yaal oxe na refkaa boo faw a layu: «O don-maax ole no maax-kam ole faambirna no batand xan a wegeel no ñaal ɓetuu fa leng ke na njalteel, ndaa xan a wetel na bes fee na ñootnax ale, a wetel itam na xew fee no nqool o ndeɓ onquu refna.

Heseki’el 43:4

O ndam onqe no Yaal oxe a rokiida kam Mbind ne, a reef no don-maax ole jasnoor’ina fo batand ne.

2 Caloori ke 33:5

A maxana xa qoor axe na asamaan xa sadaxand kam xa maax xa ƭaq axe no Mbind ne no Yaal oxe.

2 Caloori ke 20:5

Yosafat a geenooxa a ndeer mbokatax ne no Yeeyeerusaleem we fo Yuuyudaa lakas we mbaambir o maax o xas ole no Mbind ne no Yaal oxe.

2 Caloori ke 4:9

A fi’a o maax ole no saasadax we fo o maax o lakas olaa moƴna o yaaj, a jeg begax kaa laareena xanjar.

1 Caloori ke 9:18

Weene ndefu xa taan axe maadna o ndefaa xaye no don-maax ole no batand, refna ref o don-maax ole no maad oxe. Xa taan den ndefu yeeyetax we na xa ton-maax axe no saŋe ne no Leelewi we.

Heseki’el 46:12

Boo o kelwaar oxe a ɓoxotna o Yaal oxe sadax fa ndoxel no fud o letu mbaat sadax fa njamsa’oor no fud o letu, xan a wetanel o don-maax ole faambirna no batand soo ta ɓoxot sadax fa ndoxel um fo sadax fa njamsa’oor um ne ta fi’tan na bes fee na ñootnax ale, cinj kaaga, xan a sutoox, soo o don-maax ole a wegel cinj yaa ta sutooxna.