Heseki’el 43:5 - NQAARIIT NE ROOG

⁵ Maaga, Yiif le a gifaxam soo a ɓisaam no maax-kam ole. Ga’aam o ndam onqe no Yaal oxe mayƭand’ina Mbind ne fop.

Heseki’el 43:5 Referans Kwoze

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

A pi ake 8:39

Ye da sutooxna foofi laa, Yiif Tedu le a gifa a Filip. Jawdiin faa ga’atiran, ndaa a xota a ƭat um, a ɗaay bo.

Heseki’el 44:4

O koor oxe a ɓisaxam farna fo o don-maax ole no ɓemb-roog o janoon mbaambir Mbind Roog ne. Ɗeetaam too ga’aam o ndam onqe no Yaal oxe mayƭand’ina Mbind ne no Yaal oxe.

Heseki’el 37:1

O ɓay ole no Yaal oxe a doonooxa took es, soo o Yaal oxe a ɗoxtaam Yiif um, a doonaam kam a yulanq alaa mayna muut fo xa kiiƈ.

Heseki’el 40:2

soo ta ɓisaam maaga. No peeñax Roog, a ɓisaxam no saax laa Isra’el, soo a doonaam took o joong o jiig olaa jeg’ina no ɓemb-roog o ñamaak nandu nen maq teeru.

Heseki’el 10:4

O ndam onqe no Yaal oxe a yoɗoorta took mbindel yeeyetax ne, a sag no peg naa no Mbind Roog ne. Eel le a muura Mbind ne, soo o maax ole a naag dañ fo a qoolaand ale no ndam onqe no Yaal oxe.

Esayi 6:3

Kaa mbalalooroogu yee: «O Yaal oxe Hupna fop kaa ted! Kaa ted! Kaa ted! Lanq ke fop kaa may fo o ndam um.»

A kim ale na kim ake 1:4

Damaam o ɓay, i ƈufloox! Wo o maad es, ɓekaam na ndok of. Xam ref no ɗaay, felakinoox yaam wo, kañ mbug of ne moƴna biiñ, yaam o bugong a ƭat oo.

2 Caloori ke 5:14

boo saasadax we mbaag’atee o yoq maaga ndax da mbadin o far den yaam eel le no ndam onqe no Yaal oxe kaa mayƭand’u Mbind Roog naa.

2 Maad we 2:16

A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»

1 Maad we 18:12

Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.

A sutax ale 40:34

Maaga, eel laa a muura Ƭiif ne o Yaal oxe a xetteel, too o ndam onqe no Yaal oxe a mayƭanda Ngenand tedu ne boo Moyiis waagee o rok taaga.

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Heseki’el 11:1

Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.

Heseki’el 3:5

Lulaandee farna fa xeet faa na layaa lak fa ƭomu too a jafeñ o andel, ndaa farna fo mbind Isra’el.