Heseki’el 43:10 - NQAARIIT NE ROOG

¹⁰ Wo fee o ƥiy no kiin, fiisani mbind Isra’el ne Mbind Roog ne a saxitna. Fat da sed ɓot yaam tooñ den, soo a liiƥ samandaal ne.

Heseki’el 43:10 Referans Kwoze

Heseki’el 40:4

O koor oxeene a layaxam ee: «Wo fee o ƥiy no kiin, ɗeeti a paax, wet nof of! Horooxi a paax fop ke um lalkang, yaam kaa o ɓisiidel mene, ndax o ɗeet a paax. Fat o lay mbind Isra’el fop ke o ga’kaa!»

Heseki’el 43:11

A sedangaa ɓot yaam fop ke da mbi’na, andnoori a den ne Mbind nene a saxitna, a keenooƭ um, xa ton-maax axe ten fo tokand ke ten, samandaal ke ten fop fo bargal ke ten fop, samandaal ke ten fop fo kebil ke ten fop. Dooni na kid den caq ne ten. Xan a ngoroox samandaal ke ten fop fo bargal ke ten fop, too xan a mbadin a den.

Heseki’el 16:61

Xan o wetandoox a pesoorooƭ of, too xan o sed teen, yaa o daawatinkaa maag of fo xa teɓ of rew. Xam cooxong a den nen xa ƥeef xa tew, ndaa ngiɓoor of fa mi taxkiran.

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

1 Caloori ke 28:19

Dawid a layaan ee: «Keene fop o Yaal oxe a bindanaxam o ten ndax ta andnooraam ne ta wareena o jalit.»

1 Caloori ke 28:11

Dawid a cooxa a Salomo samandaal ne no maq ne no Mbind Roog ne: o ndambalaan onqe, fo ndok-o-nqulanq ne, fo ndok ne na kamba le, fo ndok-took ne, fo ndok-kam ne fo a ndok ale no afnir-o-fortand ole.

A sutax ale 25:40

Ɗeeti, Moyiis! Fat o fi boo calel ke a nand fo samandaal nene laloonga took o joong ole.»

Heseki’el 28:12

«Wo fee o ƥiy no kiin, ferani o maad oxe Tiir a kim a mboy! Fat o layin ee: Keeke o Yaal oxe na refkaa boo faw a layu: Kaa o reeƭu o anddiloor no ñak sik, may muut fo o and, saq o mosel o jegee sik.

Heseki’el 44:5

Maaga, yenaam, gung a lanq. O Yaal oxe a layaxam ee: «Wo fee o ƥiy no kiin, horooxi too ɗeet a paax, wet nof of! Nan-gilooxi fop ke um laykang ta jagin no bargal ke fop no Mbind ne no Yaal oxe fo no kebil ke ten fop. Fat tokand ke no Mbind ne Roog fo xa sutoorand axe fop a ngaalong.»

Yosuwe 22:28

Kaa i nqalaat ee taa mbaambir a layangaan a in mbaat xa taan in, xan i mbaag o ndoon a den ee: ‹Nga’angyo, o sadaxand olene daan in a maxna, ta nand fo ole no Yaal oxe, refee koy ee ndax da ƥoxotaa teen sadax toxel mbaat sadax lakas, ndaa ndax ta ref seede a ndeer in fa nuun.›