Heseki’el 42:10 - NQAARIIT NE ROOG

¹⁰ Ndokand neene kaa reeƭu me tabax ne no maax ole a feritna. Farna fo ɓemb-roog o ñamaak a jeg’ahina tok kaa njasnoorna fo o maax ole fo tabax ne garit’ina a cinj Mbind Roog ne.

Heseki’el 42:10 Referans Kwoze

Heseki’el 42:1

O koor oxe a sutaxam farna fo o maax-tafil ole, no saax ole no ɓemb-roog o janoon soo a ɓisaam no tok kaa njasnoorna fo o maax ole, a mbaambir fo tabax ne no ɓemb-roog o janoon.

Heseki’el 42:13

O koor oxe a layaxam ee: «Tok ke no ɓemb-roog o janoon fo ke no ɓemb-roog o ñamaak ndefna mbaambir o maax ole, ndefu tok tedu ke, me saasadax we na matiidaa o Yaal oxe a ñaamitkaa tig ke moƴna o ted. Xan a ngeek teen tig ke moƴna o ted, sadax ke, muumeen ke na ƥoxoteel no sadax ke na mbaasnoorteel pakaad fo sadax qendandoor ke, yaam o mbiñ onqene kaa ted.

Heseki’el 42:7

Tabax ne tafil joon’ina fo tok ke, farna fo o maax-tafil ole, mbaambir tok ke, o cigdel um a reeƭa xa noonoong qarɓeen ƥetik,

Heseki’el 40:17

O koor oxe a ɓisaxam no maax-tafil ole, too a jeg’a maaga tok fo o dung, a nqendandel a paax me widna o maax ole. A jeg’a tok qarɓeen tadik took o dung oleene.