Heseki’el 41:2 - NQAARIIT NE ROOG

² O yaajel ole no don-maax ole a reeƭa xa noonoong xarɓaxay. Fo ndabax ne ndeerna o don-maax ole a mbi’a xa noonoong xa ƥetaq no saax o leng ole fo xa noonoong xa ƥetaq no lakas ole. A liiƥa o cigdel ole no Mbiñ o tedu nqe, ta fi xa noonoong qarɓeen nahik, soo o yaajel ole a ref xa noonoong qarɓeen ƭik.

Heseki’el 41:2 Referans Kwoze

2 Caloori ke 3:3

Keeke refu ke Salomo a liiƥan’ina maq ne no Mbind Roog ne no liiƥir ke yaaga: O cigdel ole a fi’’a xa noonoong qarɓeen ɓetuu fa leng soo o yaajel ole a ref xa noonoong qarɓeen ƭik.

1 Maad we 6:17

Ke yoq’ina mbaambrand ne, a fi’’a xa noonoong qarɓeen nahik.

1 Maad we 6:2

Mbind ne Salomo a maxan’ina o Yaal oxe, o cigdel ole a fi’’a xa noonoong qarɓeen ɓetuu fa leng, o yaajel ole a fi xa noonoong qarɓeen ƭik, geel le a fi xa noonoong qarɓeen tadik.

YEGIL MBAAX NE YEESU ne Saŋ a bindtuuna 10:9

Mi refu ndokand ne. Rokitna na mi, xan a muc. Xan a rok, a sutoox, too xan a jeg o suufand.

YEGIL MBAAX NE YEESU ne Saŋ a bindtuuna 10:7

Yeesu a dakooxa o lay a den ee: «No ndigil, no ndigil, mexe layaa a nuun ee: Mi refu ndokand ne no paal ke.

2 Caloori ke 29:7

A ndeta sax boo a mbeg begax ke no Mbind Roog ne, a ñuf xa lampa xe, a mbañ o ƥoxot a Roog fee Isra’el cuuraay no mbiñ o tedu nqe ten, sadax toxel ne’aand.

2 Caloori ke 3:7

A teex ake na ndok ale sax fo peg ke ten fo xa saax axe fo begax ke a laar’e wurus soo pindel yeeyetax a sexel na xa saax axe.

A sutax ale 36:37

O don-maax ole no Ƭiif ne a riwan’e mbaƴ naa xa ƥaak axaa axeeke a nqiiyiiyna, axaana a yaxig coy, xa lakas axe a ndaalde fa gaare, soo a gemeñel.

A sutax ale 26:36

No don-maax ole no Ƭiif ne koy, fat o riwin mbaƴ naa xa ƥaak axaa axeeke a nqiiyiiyna, axaana a yaxig coy, xa lakas axe a ndaalde fa gaare, soo a ngemeñel.

Heseki’el 47:1

O koor oxe a ɓisaxam farna fo ndokand ne no Mbind Roog ne. Maaga, ga’aam foofi laa sutoortoogna ɗuga peg ne no Mbind Roog ne, a sagaa no batand, yaam mbaambrand ne no Mbind Roog ne kaa faambir’u no batand. Foofi le kaa fudooxoogu ɗuga o saax o ñamaak ole no Mbind ne, a reef no ɓemb-roog o ñamaak ole no sadaxand ole.