Heseki’el 41:1 - NQAARIIT NE ROOG

¹ Maaga, o koor oxe a ɓisaxam kam o Mbiñ o tedu nqe. A liiƥa a toodook ake da mbi xa noonoong ɓetaa fo leng o saax oo saax.

Heseki’el 41:1 Referans Kwoze

Heseki’el 41:23

O don-maax ole no Mbiñ o tedu nqe fo ole no Mbiñ onqe moƴna o ted a njeg’a begax ƭik.

Heseki’el 40:17

O koor oxe a ɓisaxam no maax-tafil ole, too a jeg’a maaga tok fo o dung, a nqendandel a paax me widna o maax ole. A jeg’a tok qarɓeen tadik took o dung oleene.

Mbeeñil 21:15

Malaaka fee layoogna fa mi a saqa o siind wurus olaa ta fi’na o liiƥir, ndax ta liiƥtin teeru fee fo xa ton-maax axe fo saŋe ne ten.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

Heseki’el 41:21

A tayil ake no don-maax ole na ndok a maak ale kaa mbodir’u. Mbaambrand ne no Mbiñ onqe moƴna o ted o mem o leng kut ole a jeg’u.

Heseki’el 41:3

Cinj kaaga, a roka kam fee. A liiƥa a toodook ake no don-maax ole, da mbi xa noonoong xa ƭaq, o don-maax ole a fi xa noonoong ɓetaa fo leng, fo ndabax ne ndeerna o don-maax ole a mbi xa noonoong ɓetaa ƭaq.

Heseki’el 40:9

o ndambalaan onqe a fi’a xa noonoong ɓetaa tadaq soo a toodook ake a mbi xa noonoong xa ƭaq. O ndambalaan onqe no don-maax ole kam fee a reeƭu.

1 Maad we 6:2

Mbind ne Salomo a maxan’ina o Yaal oxe, o cigdel ole a fi’’a xa noonoong qarɓeen ɓetuu fa leng, o yaajel ole a fi xa noonoong qarɓeen ƭik, geel le a fi xa noonoong qarɓeen tadik.

Heseki’el 42:1

O koor oxe a sutaxam farna fo o maax-tafil ole, no saax ole no ɓemb-roog o janoon soo a ɓisaam no tok kaa njasnoorna fo o maax ole, a mbaambir fo tabax ne no ɓemb-roog o janoon.

1 Maad we 6:1

O maad Salomo a fera calel ke no Mbind ne no Yaal oxe a cinj ye Ii-isra’el we a sutooxna Misira boo a njeg xa kiid teemeed nahik fo xa kiid qarɓeen ɓetuu tadik. Calel ke a mber’e no hiid o nahkandeer ole no maat Salomo, no nqool Siw refna ref o nqool o ƭikandeer onqe no hiid ole.