Heseki’el 40:3 - NQAARIIT NE ROOG

³ A ɓisaxam maaga too ga’aam o kiin oxaa o mem um a nandtoogna o mem xanjar. Kaa pokoox’u no ɓay um o ƥaak o liiƥir fo o siind o liiƥir soo a geenoox paam o don-maax ole.

Heseki’el 40:3 Referans Kwoze

Mbeeñil 11:1

Cooxeem o siind o liiƥir olaa na nandtaa o samb, too layel ee: «Reti liiƥ Mbind Roog ne fo o sadaxand ole, too lim we na mbaɗoortaa teen fop.

Heseki’el 47:3

Ye o koor oxe a sutooxna farna fo batand, a saq’a no ɓay um o ƥaak o liiƥir, too a liiƥa xa noonoong juni. A jootnooraxam foofi le, too foofi le a garaxam na xa pem.

Mbeeñil 21:15

Malaaka fee layoogna fa mi a saqa o siind wurus olaa ta fi’na o liiƥir, ndax ta liiƥtin teeru fee fo xa ton-maax axe fo saŋe ne ten.

Mbeeñil 1:15

a caf um a telelaa nen xanjar faa naayneena na fiɗel boo a xawnel. O ñuxur um koy kaa fangoortoogu nen poofi cegu doole kaa na nqawraa.

Heseki’el 1:7

A caf den kaa njof’u pec, soo takir ke na caf ake den a nandtaa takir a caf o xeel, da meleƈaa meleƈ xanjar fa ƥodaxne.

Heseki’el 1:27

Ga’ahinaam nandu nen xanjar faa na meleƈaa, a saxit nen fiɗel, a mirmirnaa me widuuna fop. No ke xotitna no ke nandtoogna ndet um boo took fo no ke xotitna no ke nandtoogna ndet um boo a lanq, ga’aam nandu nen fiɗel fo a qoolaand me widuuna.

Esayi 28:17

Xan a ƭat a ref o ƥaak o liiƥir es, soo o cofel ole a ref o ƥaak o fodrandir es.» A kalam a ƥuuɓu ke xan a yaq ndaɗand maamaaɓ ne, soo poofi ke a maƥ laqooxand naanaxir ne.

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

Heseki’el 41:1

Maaga, o koor oxe a ɓisaxam kam o Mbiñ o tedu nqe. A liiƥa a toodook ake da mbi xa noonoong ɓetaa fo leng o saax oo saax.

Heseki’el 42:16

A liiƥta o saax ole no batand o siind o liiƥir ole, ta fi fop oo fop xa siind teemeed ƥetik no siind o liiƥir ole.

Heseki’el 43:6

Nanaam oxaa na layaa fa mi taa kam Mbind ne, soo o koor oxe a geenoox paam es.

Heseki’el 8:2

Ɗeetaam, too ga’aam kaa na nandtaa o kiin, ke xotitna no ke nandtoogna ndet um boo a lanq a ref fiɗel, soo ke xotitna no ndet um a jof took a jeg’a nen meleƈ xanjar laa na miric-miricnaa.