Heseki’el 40:1 - NQAARIIT NE ROOG

¹ No hiid qarɓeen ƭik fo ɓetkandeer ole no mbaƭ naa in, no mberaandoong ne no hiid ole, no ñaal xarɓaxayandeer ne no nqool onqe, xa kiid xarɓaxay fo xa kiid xa nahaq cinj ye teeru fee a gefeena tuƈ, a koom o ɓay no Yaal oxe a doonooxa took es,

Heseki’el 40:1 Referans Kwoze

Heseki’el 33:21

No hiid xarɓaxay fo o hiid o ɗikandeer ole no mbaƭ ne in, no ñaal ƥetkandeer ne no nqool xarɓaxayandeer onqe, oxaa mucitna Yeerusaleem, a gara me mi, ndax ta yegnaam ee teeru faa a jaɓe.

Heseki’el 37:1

O ɓay ole no Yaal oxe a doonooxa took es, soo o Yaal oxe a ɗoxtaam Yiif um, a doonaam kam a yulanq alaa mayna muut fo xa kiiƈ.

Heseki’el 32:17

No hiid xarɓaxay fo o hiid o ɗikandeer ole a cinj ye i ƥiseena took o hup doole, no ñaal xarɓaxay fo ñaal ƥetkandeer ne no nqool onqe, o Yaal oxe a daawnaxam fa lay um na xa ƭelem axene:

Heseki’el 32:1

No hiid xarɓaxay fo hiid o ɗikandeer ole a cinj ye i ƥiseena took o hup doole, no ñaal eetaand ne no nqool xarɓaxay fo nqool o ƭikandeer onqe, o Yaal oxe a daawnaxam fa lay um na xa ƭelem axene.

Heseki’el 3:22

O ɓay ole no Yaal oxe a naagaxam nuus no mbiñ onqaaga, too a layaxam ee: «Inooxi, sutoox kam a yulanq ale, too maaga xam lay fa wo.»

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

Heseki’el 29:17

No hiid qarɓeen ƭik fo hiid o ɓetuu ɗikandeer ole a cinj ye i ƥiseena took o hup doole, no ñaal mberaand ne no nqool o eetaand onqe, o Yaal oxe a daawnaxam fa lay um na xa ƭelem axene:

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

Heseki’el 8:1

No hiid o ɓetuu fa lengandeer ole, no ñaal ƥetkandeer ne no nqool o ɓetuu fa lengandeer onqe, moof’aam kam mbind es, too maak we Yudaa a moof’u mbaambir es, o ɓay no Yaal oxe na refkaa boo faw a doonooxa took es.

A sutax ale 12:41

A cinj ye xa kiid teemeed nahik fo xa kiid qarɓeen tadik axe a mbaafna, no yeng ole na bes faaga sax sax, a yaj ake no Yaal oxe fop a sutooxu no saax laa Misira.

A sutax ale 12:3

Layyo xeet fee Isra’el fop ee no ñaal xarɓaxayandeer ne no nqool onqene, fat oxuu refna a waaƭan ƥasil um o njuk o leng.

A sutax ale 40:2

«Na bes fa eetaand fee no nqool o eetaand onqe, fat o geenin Ngenand ne refna ref Ƭiif ne um bugko xetteel.