Heseki’el 4:2 - NQAARIIT NE ROOG

² Cinj kaaga, fi’i ta widel o kurul-keƥ, o max a uum lanq a songir paam um, yoɗanin a cuum lanq, sip saŋe paam um, soo geenin me widuuna fop masiin komir kaa na nqoyeel a suk paal.

Heseki’el 4:2 Referans Kwoze

Heseki’el 21:22

Mi o mat, xam foxaa, too xan fuux es a jeg ne ta bugna. Mi o Yaal oxe layun.»

Yeremi 6:6

Keeke o Yaal oxe Hupna fop a layu: «Mbuuɓyo taxar ke, maxit a den a uum lanq a songir no saŋe ne Yeerusaleem. Teeru fee wareena o xaw oo, yaam ñagadil ƥor ndefu kam fee.

Yeremi 52:4

Maaga, no hiid o ɓetuu nahkandeer ole no maat Sedekiya, no ñaal xarɓaxayandeer ne no nqool xarɓaxayandeer onqe, Nebukadnesaar fee o maad oxe Babilon a garana a Yeerusaleem, ten fo xiixire um fop. A sipa saŋe den mbaambir teeru fee soo a mbi a uum lanq a songir me widuuna fop.

2 Sami’el 20:15

Yowab fo a yaj ale ten a ngara, a ƥiikil a Seeba na teeru feene. A mbi’a juum lanq boo ta matik cat ke no saŋe ne na teeru fee, cinj kaaga da ndef no ngasaa, ndax da njiƭit saŋe ne.

Yeremi 33:4

Yaam keeke layum, mi o Yaal oxe Roog fee Isra’el: Pind ke na teeru fene fo pind no maad ke Yudaa xan a yaqtel a uum lanq a songir fo laƥ.

Heseki’el 5:2

Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

Dañel 11:15

Xan o maad oxe no ɓemb-roog o janoon a gar, a max a uum lanq a songir soo a jaɓ teeru fa njegu saŋe fee. Xiixire we no ɓemb-roog o ñamaak, ke da njegna a yaj no xir say fop oo, mbaagkiran o nqox. Njegkee doole um sax.

Esayi 22:7

A yulanq ake wo moƴna o mos owe maya muut fo a sareet-xire, soo ŋaaŋaay pis a mbogooxan a ñoq ale no tokand ke wo.

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Heseki’el 21:27

No ɓay o ñamaak um ƭeet ne a yena took Yeerusaleem. Kaa tee: ‹Geenni masiin komir kaa na nqoyeel a suk paal, jibin o wuuq xire, ndax o xoyit na bar ale, geenin a suk paal ake na xa ton-maax axe, yoɗ a uum lanq a songir, max a uum lanq.›