Heseki’el 4:10 - NQAARIIT NE ROOG

¹⁰ Ke heloona o ñaamaa ñaal oo ñaal xan a ref ngap genwal liibar. Ten refu ke o ñaamkaa no ngap onqeene fop.

Heseki’el 4:10 Referans Kwoze

A paɗax ale 26:26

Xam xañ a nuun ñaamel boo rew xarɓaxay a mbaag o njawanit ƥasil den no nquɗoox o leng. Xan a ndoxir o njaw onqeene, ndax ƥasil den a ñaamin, ndaa ɗaxkee a den tig.

Heseki’el 45:12

O sekel xaaliis xan a fodir fo xa geeraa qarɓeen ƭik soo o miin a fodir fo xa sekel qarɓeen ɓetuu fa leng.

Heseki’el 14:13

«Wo fee o ƥiy no kiin, saax a tooñangaam yaa ta soobooxna no ngore’aƭar, xan o ɓay es a dal took um, um yaq ñoowir um, hebliid took um biim soo war wiin we fo cegel ke.

Heseki’el 4:16

A layahinaxam ee: «Wo fee o ƥiy no kiin, xam suqit mbuuru muum ne na Yeerusaleem. We ngenna teen xan a ñaamaa fa naqad mbuuru naa eedeena, soo a yeraa fo kam fa mbagu foofi laa eedeena.

Esayi 3:1

Nga’yo, o Yaal oxe na refkaa boo faw Hupna fop xan a suqit na Yeerusaleem fa Yudaa o ndimle fo ndamlooxand nuu ta waagna o ref. Xan a jaɓ ñaamel den fo foofi den fop

Yeremi 32:9

Jiktaam na Hanamel fee o ƥiy faap o ndeɓ es o qol ole reeƭna Anatot soo peese’anin xaaliis fee no ndabid ne: Xa monjong xarɓaxay fo xa monjong ɓetaa ƭaq xaaliis fa nqoolu.

Heseki’el 4:11

Xan o eedaneel foofi fo yerel of, ngap o liitar ñaal oo ñaal, o yeran leek-leek.

Heseki’el 12:18

«Wo fee o ƥiy no kiin, xan o ñaamaa sendaa soo yeraa foofi of kam naqad fo caƭar.