Heseki’el 39:8 - NQAARIIT NE ROOG

⁸ Keene fop xan a xew too xan a fadnoox. Mi o Yaal oxe na refkaa boo faw layun. Ten refu ñaal ne ne’ooguuma.

Heseki’el 39:8 Referans Kwoze

Heseki’el 38:17

Keeke layum, mi o Yaal oxe na refkaa boo faw: Ndax wo ne’oogum yaaga, reefandin no duleer we Isra’el ndefna dag es, andoona yee no ñaal kaaga, ngap xa kiid xa kiid, a njo’it’a yee xam songnoorong xeet es?

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

Mbeeñil 16:17

Malaaka ɓetuu fa ƭikandeer fee a ɓaxa o mbeeƭ um no nqeñ ne. Maaga, o ñuxur o maak a nannoorta no Mbind Roog ne, a inoor no gamb no maad le, a lay ee: «Waxtu fee a fada!»

2 Piyeer 3:8

Kaa koy, nuun we fexuuma, a jega tig leng kaa nu mbareerna o ñak-o-and, ten refu yee: Mbaambir no Yaal oxe, bes fa leng kaa ref nen xa kiid juni, soo xa kiid juni a ndef nen a bes fa leng.

Heseki’el 39:7

Xam andnoor gon tedu es a ndeer Isra’el fee xeet es too xaƴkatiim gon tedu es a maasandel. Neene, qeet ke xan a and ee mi refu o Yaal oxe, o Tedu xe Isra’el.

Heseki’el 39:9

Maaga, we ngenna no teeru ke Isra’el xan a sutoox. Xan a ngeƥand fiɗel, a umbtin ƥonax ke: Pegoor maak fo teɓ ke, a qali ke fo a kas ake, a sakoor ake fo a salma ke. Xan a mbi’it a den fiɗel laa na kaƥaa boo xa kiid ɓetaa ƭaq.

Esayi 46:10

Yegnitaam no mberaand naa ke na xewkaa, lambin yaaga ke fadiidafuleerna. Kaam layaa yee: Yuuƥ es xan a fadnoox, too ke buguuma fop, kaam fi’an.

Heseki’el 33:33

Yaa keene layoona a fadnooxkaa, too a fadiida boo a ƴut sax, xan da and ee a jeg’a o tuleer a ndeer den.»