Heseki’el 39:6 - NQAARIIT NE ROOG

⁶ Xam hebliid fiɗel kam Magog fo ndeer no we ngenna na pimb ake mboorna, too xan da and ee mi refu o Yaal oxe.

Heseki’el 39:6 Referans Kwoze

Amos 1:4

Xam fudin fiɗel took mbind Hasa’el fee o maad, ta raaɓ pind no maad ke Ben-Hadad.

Heseki’el 30:16

Xam heƥand fiɗel kam Misira, Siin a diid boo a sendaa. Teeb xan a sexel xa kur, fañ we a njaɓ a Memfiis njoloor o mbuc.

Heseki’el 30:8

Maaga, xan da and ee mi refu o Yaal oxe, yaa um heƥandkaa fiɗel took Misira, soo we ndimle’iiduuna fop a nduguñoox.

Yeremi 25:22

– maad we Tiir fop, we Sidoŋ fop fo we no fimb le kaltaa o maag ole,

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Amos 1:10

Xam fudin fiɗel took saŋe ke mbidna Tiir, ta raaɓ pind no maad ke ten.»

Esayi 66:19

Xam doon me den o anddiloor sañ-sañ es soo lul no weene ƥostooxna me no qeet ke Tarsis, Puut, Luud, Mesek, Tubal fa Yawan fo na pimb ake liitooxna, muu andoona yee mosee o nan paru na mi too mosee o nga o ndam es. Weene hebluuma xan a mbeeñil qeet keene o ndam es.

A kim a tedu ke 72:10

Maad we Tarsis fo we na pimb ake xan a ƥisiidin ci’it, maad we Saba fo we Seeba a ƥoxotin a bateer.

Sofoni 2:11

Xan o Yaal oxe a saɗarnoox na den, yaam xan a moocand roog ke no lanq ke fop, too a pimb ake moƴna o liitoox sax xan a ngung mbaambir um me da ndefkaa ndef.

Amos 1:7

Xam fudin fiɗel took saŋe ke mbidna Gaasa, ta raaɓ pind no maad ke ten.

Heseki’el 38:13

Saba fa Dedaan, jula we Tarsis fo a saax ake mbiduuna fop xan a laamtong ee: ‹Ndax kaa o jangiid o jeg ole? Ndax o walit kalal ke taxu o fokat a yaj no xiixire lene fop, ndax o ɓis xaaliis fee fa wurus fee, jang xa siir axe fo o jeg ole soo jaɓ paax mayu?›

Heseki’el 38:11

ee: ‹Xam inooxan saax laa naagna faŋ, songik wiin yaadooxu waa ndefna no woor me da ngenna den fop kam teeru kaa njegeerna saŋe mbaat a kinglir mbaat begax.

Heseki’el 38:6

Gomeer fo a yaj no xiixire um fa Bet-Togarma fo a yaj no xiixire um, no cat kaa no ɓemb-roog o janoon, qeet pagkatar, owey fa wo.

Haahate we 18:7

Goor ɓetuk waa a suura boo a mbadiid Layiis. A nga’a yee xeet fee ngenoogna maaga kaa yaadoox’u, a ñoowaa na jam fo no woor nen Siisidoŋ we deŋ. Jeg’ee kam saax le o leng oxaa na gal’andaa a den tee kaa maadooxaa took den. Kaa ngoƭatir’u fo Siisidoŋ we too ndeer’ee dara fo wiin lakas.

Mbeeñil 20:8

Maaga, xan a sutoox ndax ta nax qeet ke kam adna fee fop. Den ndefu Gog fa Magog. Xan a fokat a den, da mayit nen pep lanq na ƥeeraamb o maag, da ndet a ngomrikel.

Mbeeñil 20:9

Den oo weene a inooriidaa no saax oo saax, ndax da mbid o kurul-keƥ saŋe ne no we mbogna na Roog refna teeru fee ta fexna. Kaa koy, fiɗel a inoora na asamaan, a saŋik a den.

Heseki’el 30:9

A koom, duleer xan a ƭisit me mi, a ndok a kaal, ndax da sendnoor a Kuus kam o yaadax um. Xan a jeg coono a ndeer den na bes fee Misira, yaam a fada boo a ƴut.

Heseki’el 37:6

Xam sip na nuun xa pamb, saxnatin njer na nuun, muur a nuun ƭool, ɓek na nuun yiif, nu ñoowatin, too xan nu and ee mi refu o Yaal oxe.»

Heseki’el 38:2

«Wo fee o ƥiy no kiin, geleerooxi farna fa Gog, no saax le Magog, o kelwaar o maak oxe Mesek fa Tubal, soo jo’tanaam o ten!

Heseki’el 39:5

Xan o xon kam ee kam a koƥ ale, yaam layaam. Mi o Yaal oxe na refkaa boo faw layun.