Heseki’el 39:4 - NQAARIIT NE ROOG

⁴ Xan o yen took xa coong axe Isra’el, wo fo a yaj no xiixire of fop fo qeet ke yoonna fa wo fop. Xam ɓoxot o dal of ta refik ñaamel a tud ake fo kuu na yetaa fo ƥaaɓaan ke na koƥ ale.

Heseki’el 39:4 Referans Kwoze

Heseki’el 33:27

Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.

Heseki’el 38:21

Xam ɓisiid xire took Gog na xa coong axe mi fop. Mi o Yaal oxe na refkaa boo faw layun. Oxuu refna xan a geleerooxan o pog um fo laƥ.

Heseki’el 29:5

Xam deɓong na koƥ-a-ƥor ale, wo fo liƥ ke na xa quluɓ axe wo fop. Xan o yen na xa qol axe, giskaandee too gaskaandee. Xam deɓong, ndax o ref ñaamel ƥaaɓaan ke no lanq ke fo tiiƭ ke na asamaan.

Yeremi 15:3

O Yaal oxe kaa tee: «Xa qos xa nahaq a ƭom um xawitkaa a den: Laƥ ne xan a war a den, xa ƥox axe a listir a den soo a tud ake fo ƥaaɓaan ke a ñaam a den, a salax a den.

Esayi 14:24

O Yaal oxe Hupna fop a daaɓooxa yee: «A woora yee ke yuuɓuuma, ten na jegkaa, ke hebooxuuma, xan a fadnoox.

Esayi 14:25

Xam yaq katil fee Asuur kam saax es, duutin took xa coong axe mi. Kadoor ke ta ir’ina xeet es xan a ndontel, soo a toq ale ta gadin’ina a den a dontel na kand den.

Yeremi 25:33

We o Yaal oxe a warkaa a koom xan a luuñaa maaga, no cat leng boo no cat lakas no lanq ke. Nqaaraandkaand, ngiskaand too ngaskaand. Xan a ndefik tosir lanq ke.

Heseki’el 35:8

Xam mayƭand xa coong axe ten fo xon. We laƥ ne a fandkaa xan a yen took a ñaang ake wo fo na yulanq ake wo fo na kamb ake wo.

Heseki’el 39:5

Xan o xon kam ee kam a koƥ ale, yaam layaam. Mi o Yaal oxe na refkaa boo faw layun.

Nahum 3:3

Pis ŋaaye ke owe mbaaslooxaa, laƥ ke a telelaa, a salma ke a meleƈaa. Wiin gaañooxu wey gañ, xa tal axe a mbi a cuum, xon we a naang xus, a kamaseel.