Heseki’el 39:2 - NQAARIIT NE ROOG

² Xam ɓisong, ɗoxong, intong no cat kaa no ɓemb-roog o janoon soo ɓisiidong took xa coong axe Isra’el.

Heseki’el 39:2 Referans Kwoze

Heseki’el 38:15

Xan o inoortiid no mbiñ onqe genoona, no cat ke no ɓemb-roog o janoon, wo fo qeet pagkatar ke yoonna fa wo, fop a ŋaay pis, mbokatax maak, a yaj no xiixire mayu.

Esayi 37:29

Ne fuuxanaxamoona, soo a magnandax of a nannoox no nof es, xam rokong o heɗ no ñis fo a laxaaɓ no don soo nomtong cook no mbind of, o xotatin a ƭat ale garit’oona garit.

A kim a tedu ke 40:14

O Yaal oxe, jaɓi muclaam. O Yaal oxe, ñofi gar ƴufgaam.

Dañel 11:40

Farna fo muukandoong naa, xan o maad oxe no ɓemb-roog o ñamaak a gomir fo o maad oxe no ɓemb-roog o janoon, ndaa oxeene xan a yen took um fo a sareet fo pis fo a kaal a mayu. Xan a jaɓ a saax a mayu, a maƥ fop nen o jaɓ.

A kim a tedu ke 68:2

Roog oxaa inooxaa, fañ we ten a pasaroor, noon um a ngod o joor.

Heseki’el 32:30

Gelwaar we no ɓemb-roog o janoon fop oo weene fo Siisidoŋ we fop mbudooxandoorna fo we mbareena, a sed ɓot, ke ngiin-goor den a diidlandoogna fop oo. A qucooxar akeene a mbondooxa fo we laƥ a fandna, too a ndoxondooxa gaci den fo we mbudooxna kam gamb le na saŋkax ale.

Heseki’el 39:1

«Wo fee o ƥiy no kiin, jo’tanaam a Gog ee: Keeke o Yaal oxe na refkaa boo faw a layu: Xam ɓekong o ɓay, wo Gog fee o kelwaar o maak oxe Mesek fa Tubal.

Heseki’el 39:3

Xam duguñ a qali le wo pokooxoona no ɓay o janoon of soo samin a kas ake wo saqoona no ɓay o ñamaak of.