Heseki’el 39:13 - NQAARIIT NE ROOG

¹³ Xeet fee no saax le fop xan a ngas a den, too xan gon den a joot teen na bes fee um ɓoxotkeel o ndam. Mi o Yaal oxe na refkaa boo faw layun.

Heseki’el 39:13 Referans Kwoze

Heseki’el 28:22

Fat o lay ee: Keeke o Yaal oxe na refkaa boo faw a layu: Xam ɓekong o ɓay, wo Sidoŋ! Xam ɓoxotel o ndam a ndeer of. Xan ta and ee mi refu o Yaal oxe, yaa um fadinkaa kate es took um soo feeñil teen o tedel es.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

A cangatin ale 26:19

Neene, xan o Yaal oxe Roog nuun a ci a nuun nu ngup qeet ke ta sakna fop, ndax nu simatin, ci’in o jeg gon, ndef qaaƴoor um soo ndef xeet faa ta kesaneena, ne ta laytuuna a nuun.»