Heseki’el 39:10 - NQAARIIT NE ROOG

¹⁰ Ndaxanikkee xa cuuƭ na koƥ ale too seɓkee a den kam suungaan le, yaam ƥonax ke na ndefkaa umbel ke na fiɗel le. Xan a mbalit o jeg no we mbalit’ina o jeg den soo a njang kalal ke no we njang’ina kalal ke den. Mi o Yaal oxe na refkaa boo faw layun.

Heseki’el 39:10 Referans Kwoze

Esayi 33:1

Sabab took of, wo xe na yaqaa, too yaq’aandee, hodaa, too mosaandee o hod. O yaqangaa boo ƴut, xan o yaqel, o hodangaa boo ƴut, xan o hodel.

Esayi 14:2

Xan qeet mayu a ndimle Ii-isra’el we da nomtoox no saax le o Yaal oxe a ci’na a den, too xan qeet keene a njalantaa a den teen nen dag fo jeefeer. Xan Ii-isra’el we a ndam mbaƭ we ndam’ina a den mbaƭ, too xan a kelfa we ñaatlandoogna a den.

Mise 5:8

«Fat o ɓay of a dal took no fañ of, da moocandel, den fop!»

Mbeeñil 18:6

Mbesooryo fa Babilon ne ta fesooritna fa nuun, ndabdin boo a caf a ƭak ke ta fi’na a nuun. Yipyo o mbeeƭ onqe ten a yer alaa moƴna o xaaɗ a caf a ƭak a yer ale ta fi’an’ina a nuun.

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Habakuk 3:8

O Yaal oxe, ndax xa quluɓ axe fuuxano? Kaam ee ndax xa quluɓ axe fuux le wo a biltooxanu? Ndax o maag ole fuux ɗomu le wo a yoɗooxanu boo a tax o ŋaay pis ke wo, ƴufnaa a sareet-xire ke no ndam onqe wo?

Habakuk 2:8

Ne jangaloona qeet mayu, xan ke yoqna no qeet ke a njangalong, yaam fo’oy le no wiin we ɓaxoona fo a pi a yednu ke fi’oona na saax ake, kam teeru ke fo we ngenna a den fop.›

A sutax ale 12:36

Maaga, o Yaal oxe a fi’a boo Miimisira we a niw xeet fee too a ci’ooga a den ke da nqeɗoogna a den. Neene mat Ii-isra’el we a njegit’u no Miimisira we halal.

A sutax ale 3:22

O tew oxuu refna xan a xeɗ o tew o kend um fo o tew oxaa ta fogitna mbind, kaa fi’teena xaaliis fo kaa fi’teena wurus fo toki kaa nu ndokanna xa ƥiy xa koor nuun fo xa ƥiy xa tew nuun. Neene, xan nu njegit no Miimisira we halal.»

Heseki’el 39:11

A koom, xam ci a Gog maa ta gaseena kam Isra’el, ta ref a yulanq no dak-a-faaf we no batand ne no maag o Xanju le. Xan a weg a ƭat ale no ñaañaaƴ we. Maaga Gog fo a yaj um a ngaskeel too xan a xoyeel a yulanq ale na yaj ale Gog.

Sakari 14:14

Yudaa xan a sedtik a Yeerusaleem, da njaɓ kalal ke no qeet ke mbidna a den fop, kene wurus, keeke xaaliis boo no toki pagkatar.