Heseki’el 34:8 - NQAARIIT NE ROOG

⁸ Ne ta wooritna yee mexe ñoowaa, mi o Yaal oxe na refkaa boo faw layun, feek paal ke mi kaa saanqooxaa, a ndefat muud no ƥaaɓaan ke na koƥ ale took o ñak o kaynaak, feek gaynaak we mi topatooxoogee dara paal ke mi, feek gaynaak we a qoox den soom a ngayoogu, too ngayoogee paal ke mi,

Heseki’el 34:8 Referans Kwoze

2 Piyeer 2:13

Neene, xan a ndaaw ndabid njofaƭar den. Kaa njegaa o ɗaay, yaa da ndeefaa a yuxum a paaxeer ake den njoloor o mbuc. A tef den, yaa da ndeerna fa nuun a ñaam fo o naxaa nuun ole na sawarnooraa a den lool, kaa ref gaci.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

1 Korint 9:15

Mi koy, no bargal keene fop, jegee leng na den naa waaƭuuma, too bindiim keene ndax um hapit a den. Um xon sax moƴanaxam o ñak fak es leene.

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

Heseki’el 34:31

Nuun paal es, paal ke no siir ole mi, wiin nu ndefu, soo mi um ref Roog nuun. Mi o Yaal oxe na refkaa boo faw layun.»

Heseki’el 34:18

Ndax kaa nu nqeef o suuf no gayand o faax ole boo a tax nu nduutaa ke yoqna na xa suufand nuun? Ndax kaa nu nqeef o yer foofi fo wendu le boo a tax nu nootaa ke yoqna fo a caf nuun?

Heseki’el 34:10

Keeke layum, mi o Yaal oxe na refkaa boo faw: Xam ɓek gaynaak weene o ɓay. Xam suud paal ke mi na xa ƥay den, xaƴkatiim a den da ndef ɗooɗox, a ƭoxaa a qoox den. Xam suqit paal ke mi no don den, too ndefkatee ñaamel den.

A pi ake 20:29

Andaam o mat ee um retangaa, xan a jeg a cinj es xa moon xa kiihiin xa saɗarnooxu axaa ƥerexiidna kam nuun, a mbaaƭaa maa da salaxitna o siir ole.

Heseki’el 34:7

Ten taxu, nuun ɗooɗox we, nan-gilooxyo fa lay fee no Yaal oxe!

Heseki’el 34:9

yaam keene, nuun gaynaak we, nan-gilooxyo fa lay fee no Yaal oxe.

Heseki’el 36:4

ten taxu, nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke layum, mi o Yaal oxe na refkaa boo faw xa coong axe fo a ñaang ake, a ƈufnand ake fo a yulanq ake, juum kefatin ke mbootatna fo teeru ke mbaaseena, too qeet ke mbidna a den a mbalit a den qac boo da ndefat calat den:

Sakari 10:2

Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.