Heseki’el 34:2 - NQAARIIT NE ROOG

² «Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Heseki’el 34:2 Referans Kwoze

Yeremi 23:1

O Yaal oxe kaa tee: «Sabab took no ɗooɗox we na xeet fee mi. Gaynaak faaxeer waa na mo’andaa, a pasaraa paal ke no siir ole mi a ndefu.»

Yeremi 3:15

Xam coox a nuun ɗooɗox waa njagooxaxama, too xan a ƭoxit a nuun o jeg-yiif fo o woor.»

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Yeremi 10:21

Ɗooɗox we na xeet fee kaa mbanxoy. Mbaaƭee o Yaal oxe. Ten taxu nqenɗee, too we da ƭoxoogna fop a pasare.

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

A pi ake 20:29

Andaam o mat ee um retangaa, xan a jeg a cinj es xa moon xa kiihiin xa saɗarnooxu axaa ƥerexiidna kam nuun, a mbaaƭaa maa da salaxitna o siir ole.

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

Heseki’el 13:19

Kaa nu niwaƭaraxam paam xeet es yaam tanq lorso fo xa ƭeg puuru yaa nu mbaraa xa laaw axaa mbareerna o nqon, soo ñoownooraa xa laaw axaa mbarna o nqon, yaa nu maaɓaa xeet es fee na nan-gilooxaa xa maaƥ.

A pi ake 20:26

Ten taxu mexe yegnan a nuun xaye yee: A jegangaa na nuun oxaa saŋkooxna, refiim teen tus,

Yeremi 12:10

Gaynaak mayu a nduudna a ƭing taxar biiñ ale mi, a nduut o qol ole mi, o qol o yaawnooxu le mi da mbi’in nen a koƥ-a-ƥor.

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Heseki’el 33:24

«Wo fee o ƥiy no kiin, we ngenna no kefatin kene no fiisel ole Isra’el kaa layaa yee: ‹Abraham o leng a reeƭu, too a jaɓa saax le, too in we mayna gañ cooxe saax le, njegkin.›

2 Sami’el 5:2

Yaaga Sawul a refaa o maad in, wo adooxanoogu xiixire we Isra’el, too o Yaal oxe a lay’aang yaaga yee: ‹Wo na gaykaa a Isra’el, kelfa’in.› »

YEGIL MBAAX NE YEESU ne Saŋ a bindtuuna 10:8

We adooxiidaxama fop, guuɗ fo a cuut oo, ndaa koy paal ke nan-gilooxee a den.

2 Korint 12:14

Mexe dadkandiidaa o jaf es me nuun, too taxkee um gaɗ ñoowir es na nuun, yaam refee yee kalal ke nu njegna um waaƭaa, ndaa xa mem nuun sax. Refee yee xa ƥiy axe mbaru o saakanaa paap ke den ñoowir, ndaa paap ke mbarun o mbi’an a den.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

Heseki’el 22:25

Duleer we ten kaa ngukraa a ndeer um nen njogoy naa na ŋuuraa, a listaa mbuufuɗag um. Kaa da listaa wiin we, a njaɓaa kalal ke fo tig oo tig ke njegna o njiriiñ. A mayƭanda teen ñaaw we.

Heseki’el 34:1

O Yaal oxe a daawnaxam fa lay um na xa ƭelem axene:

Heseki’el 34:14

Xam gay a den maa neepna. Xa suufand den xan a ndef took xa coong axe no saax le Isra’el. Xan a mbaag o mbondooxaa maaga no nget mbaax, soo a suufaa maa neepna took xa coong axe Isra’el.

Heseki’el 34:15

Mi na bugko gayaa paal es, mi na bugko koornaa a den. Mi o Yaal oxe na refkaa boo faw layun.

Amos 6:4

Kaa nu ndeɓaa o ndalaq no cong mosandte a ñiiñ fa ñiig, a kakandax a ndeer a nuun, nu yablooraa a suk a neeru fo a tegeƴ ƥuj kude.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.