Heseki’el 34:12 - NQAARIIT NE ROOG

¹² Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.

Heseki’el 34:12 Referans Kwoze

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

YEGIL MBAAX NE YEESU ne Lik a bindtuuna 19:10

Yaam o Ƥeenqe no kiin oxe kaa waaƭiid too a mucliid ke mo’na.»

Heseki’el 30:3

Bes fee a matiida, bes fee no Yaal oxe a matiida. Bes a eel a refkaa, waxtu fee no qeet ke.

Yeremi 31:10

Nuun qeet ke, nan-gilooxyo fa lay fee no Yaal oxe, lambnin na pimb a koƭu ke! Layyo yee: «Oxe pasarna a Isra’el xan a fokatin, a gayin ne o kaynaak a gaytaa o siir um.»

Sofoni 1:15

Bes faaga kaa ref bes fuux, bes naqad fo o jaq, bes a payit fo yaq, bes o niɓaan fo ɓaal-ee-ɓaal, bes a eel fo a kuy,

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

Xa peƭit axe 27:23

Topatooxi a paax paal ke fo pambe ke wo, gaynaak a ked ake wo,

Esayi 56:8

O Yaal oxe na refkaa boo faw, oxe na fokataa we ndaxeena na Isra’el kaa tee: «Xam fokatahin lakas waa mbogreerna fo we fokatuuma boo ƴut.»

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Yeremi 33:12

Keeke o Yaal oxe Hupna fop a layu: «Xan a jegahin no saax lene fesna a pec boo jegatee wiin mbaat muumeen sax fo kam teeru ke ten fop xa suufand axaa gaynaak we a koornaa xa siir den.

Heseki’el 32:7

Yaa o naagkaa ɗuƭ, xam sing asamaan fee, niifaarin xa qoor axe ten. Xam singit njeeƈ ne eel too o nqool onqe cooxitkatee a qoolaand um.

Sakari 10:3

O Yaal oxe kaa tee: «Fuuxanaam gaynaak we, too xam dal took a suk a tuudu ke. Mi o Yaal oxe Hupna fop, xam ƴufgiid ged le mi refna mbind Yudaa, fi’in nen naar-ngoor es na xire fee.

Sakari 9:16

A koom, xan o Yaal oxe Roog den a mucil xeet um ne o kaynaak a muclitaa ged um. Xan a meleƈaa kam saax le ten nen a ƥil a cafeñu no ndip no maad.

YEGIL MBAAX NE YEESU ne Lik a bindtuuna 15:8

«O tew oxuu jegna xa qanjar xarɓaxay xaaliis fa nqoolu, soo a mo’iɗ teen o leng, ndax heƥandkee o lampa, a leelaa mbind ne, a waaƭaa o ndang boo yaa ta ga’uuna?