Heseki’el 34:11 - NQAARIIT NE ROOG

¹¹ Keeke layum, mi o Yaal oxe na refkaa boo faw: No ke xotitna ndiiki, mi fa xoox es na bugko topatooxaa paal es, gayaa a den.

Heseki’el 34:11 Referans Kwoze

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

YEGIL MBAAX NE YEESU ne Lik a bindtuuna 19:10

Yaam o Ƥeenqe no kiin oxe kaa waaƭiid too a mucliid ke mo’na.»

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Esayi 56:8

O Yaal oxe na refkaa boo faw, oxe na fokataa we ndaxeena na Isra’el kaa tee: «Xam fokatahin lakas waa mbogreerna fo we fokatuuma boo ƴut.»

A kim a tedu ke 80:1

O yaal a ƭat ale no jeejeek we a xoolne yee a kim alene kaa saq o jangooƭ a kim ale ne’eena «Piɗ ke no ngiɓoor ne». A kim a tedu laa fogna na ke Asaf oo.

Esayi 45:12

Yaag oo toox de, mi fiisu lanq ke soo sak pindeef ke ngenna teen. Mi letnu asamaan fee soo kelfa a yaj ake ten fop.

A kim a tedu ke 119:176

Kaam joqooyooxaa nen mbaal mo’u. Gari waaƭiidaam, mi fee o tag of, yaam weeciim muk kebil of.

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

Heseki’el 6:3

Fat o lay ee: Nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu xa coong axe fo a ñaang ake, a kamb ake fo a yulanq ake: Mexey! Mexe hebliidaa xire fee took nuun too xam yaq a ñaang a sadaxand ake nuun.

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

Esayi 48:15

Mi o mat laytun, doon teen xoyin soo ɓisiidin. No kuu ta rokna xan a barke.»

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

Mberaand 6:17

Mi o mat, xam ɓisiid o jaɓ o maak ole took lanq ke ndax um saŋik fop ke jegna njer too a ñoowaa ɗuga asamaan fee. Fop ke refna took lanq ke xan a mooc.

YEGIL MBAAX NE YEESU ne Saŋ a bindtuuna 10:11

Mi refu o kaynaak o paax oxe. O kaynaak o paax kaa cooxtaa o ñis um yaam paal ke ten.

Heseki’el 11:17

Ten taxu fat o lay a den ee: ‹Keeke o Yaal oxe na refkaa boo faw a layu: Xam fokatit a nuun a ndeer qeet ke, korolit a nuun na saax ake pasar’uuma a nuun ndax um ci a nuun lanq ke Isra’el.

Heseki’el 20:41

Xam dalin a nuun a paax nen sadax faa felaxama tuñ bo, yaa um sutitkaa a nuun a ndeer qeet ke, fokatit a nuun na saax ake nu pasarooxna. Xam tedlandooxit na nuun na kid no qeet ke.

Sakari 9:16

A koom, xan o Yaal oxe Roog den a mucil xeet um ne o kaynaak a muclitaa ged um. Xan a meleƈaa kam saax le ten nen a ƥil a cafeñu no ndip no maad.

Sakari 10:3

O Yaal oxe kaa tee: «Fuuxanaam gaynaak we, too xam dal took a suk a tuudu ke. Mi o Yaal oxe Hupna fop, xam ƴufgiid ged le mi refna mbind Yudaa, fi’in nen naar-ngoor es na xire fee.