Heseki’el 34:10 - NQAARIIT NE ROOG

¹⁰ Keeke layum, mi o Yaal oxe na refkaa boo faw: Xam ɓek gaynaak weene o ɓay. Xam suud paal ke mi na xa ƥay den, xaƴkatiim a den da ndef ɗooɗox, a ƭoxaa a qoox den. Xam suqit paal ke mi no don den, too ndefkatee ñaamel den.

Heseki’el 34:10 Referans Kwoze

Sakari 10:3

O Yaal oxe kaa tee: «Fuuxanaam gaynaak we, too xam dal took a suk a tuudu ke. Mi o Yaal oxe Hupna fop, xam ƴufgiid ged le mi refna mbind Yudaa, fi’in nen naar-ngoor es na xire fee.

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Heseki’el 13:8

Ten taxu keeke o Yaal oxe na refkaa boo faw a layu: Feek fa lay nuun xa koɓong xa ƥor a refu, soo peeñil ke nuun a ndef xa maaƥ xa ƥor, xam inooxan a nuun. Mi o Yaal oxe na refkaa boo faw layun.

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

Nahum 2:13

Njogoy ne kaa listanoogu xa ƥeem, a waranaa cogoy ƥasil ke ten. Kaa mayƭandoogu nqanq ne ten fo tame-dame, ngenand ne ten, ta yipin a tegeƴ a ƥor.

Heseki’el 34:8

Ne ta wooritna yee mexe ñoowaa, mi o Yaal oxe na refkaa boo faw layun, feek paal ke mi kaa saanqooxaa, a ndefat muud no ƥaaɓaan ke na koƥ ale took o ñak o kaynaak, feek gaynaak we mi topatooxoogee dara paal ke mi, feek gaynaak we a qoox den soom a ngayoogu, too ngayoogee paal ke mi,

Heseki’el 3:18

Um layangaa o soxodu xe yee: ‹Xan o xon›, o maƭooxangiran, o layangee ndax o maƭoox o soxodu xe ta fes a ƭat a paaxeer um a cinj, ndax o mucil o ñis um, o soxodu xeene xan a xon yaam njofaƭar um, ndaa xam laamtong fo’oy um.

A kim a tedu ke 23:5

Kaa o diƈanaxam ñaamel na kid no fañ es, dalnaxam a paax, yaa o sulaxam diwliin no xoox soo cooxaxam a tokol alaa naagna muut boo a ɓaxooxaa.

1 Piyeer 3:12

Yaam o Yaal oxe kaa doon a kid um took jofu we, soo nof um a mbetoox na qeƭ den, ndaa koy, mukit fee no Yaal oxe kaa hiɓoox no we na mbi’aa paaxeer.»

Heseki’el 35:3

Fat o lay ee: Keeke o Yaal oxe na refkaa boo faw a layu: Wo o joong ole Seyiir, xam ɓekong o ɓay. Mexe letnaa o ɓay es took of too xam yungandong, fi’ong o mbiñ o mbootu.

Heseki’el 34:22

xam mucil paal es, ndax mbalitkataand, too xam hate ndeer mbaal fo ngend um.

Heseki’el 21:3

Fat o lay suungaan le no ɓemb-roog o ñamaak ee: Nan-gilooxi fa lay fee no Yaal oxe! Keeke o Yaal oxe na refkaa boo faw a layu: Mexe heƥandaa kam of fiɗel laa na raaɓkaa me wo ndaxar nquƥu nuu refna fo ndaxar mbeeru nuu refna. Ƈulfaan ne na aal ake ñufkee, too mukit fuu refna xan a ñaastel teen, a xotit no ɓemb-roog o ñamaak boo no janoon.

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

Yeremi 50:31

Xam damir fa wo, o pelnooxu xe refoona, yaam bes of a fadiida, waxtu fee o gadooxkaa a pi of a gar. Mi o Yaal oxe na refkaa boo faw Hupna fop layun.

Yeremi 39:6

O maad oxe Babilon a xirisnoora xa ƥiy xa koor axe Sedekiya maaga Ribla na kid faap den. A xirisnoora itam wiin maak we Yudaa fop.

Heseki’el 13:23

yaam keene, nu njegkatee peeñil naanaxir too nu maɗagkatee. Xam wat xeet es na xa ƥay nuun, too xan nu and ee mi refu o Yaal oxe.»

Heseki’el 34:9

yaam keene, nuun gaynaak we, nan-gilooxyo fa lay fee no Yaal oxe.