Heseki’el 33:3 - NQAARIIT NE ROOG

³ o koor oxeene a ga’angaa xire a garaa took saax le, fat a jibin a luuƥ, a maƭoox xeet fee.

Heseki’el 33:3 Referans Kwoze

Hoose 8:1

O Yaal oxe kaa tee: «Jibni a tuluɓ ale! O njakad onqey yaaraa took Mbind es nen a canjiik, yaam xeet es kaa ƭeg ngiɓoor es, a mbañ a cangin es.

Yowel 2:1

Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Yeremi 51:27

Yoɗyo o anddiloor o songir, ndax fop a nga’in, njibin a luuƥ a ndeer qeet ke! Mbapanyo qeet ke a Babilon, nqoy maat ne Araraat, ne Mini fo ne Askenaas, ndalin a salma-koor akaa siiknoorna fo ten! Ƥakandiidyo pis, songin nen eel tooroog.

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Yeremi 4:5

Yegnityo kam Yudaa, lambin kam Yeerusaleem, luuƥ kam saax le, njibin xa buuq, lay ee: «Mbokatooryo, i ndet no teeru cegu saŋe ke!»

1 Korint 14:8

A soƥangaa yee famb xire laa ŋaayin ne a fudooxna yoo, an na nankaa tig boo a inooxanaa xire?

Heseki’el 3:19

Kaa koy, o maƭooxangaa o soxodu xe too fesee kañaan um fo a ƭat a paaxeer um a cinj, xan a xon yaam njofaƭar um, ndaa wo o mat, xan o ɓogoox teen qac.

Amos 3:6

Ndax jiin a waaga o jeg no saax, too tig xewee? Ndax sabab a waaga o xew na teeru, too o Yaal oxe yoonee teen?