Heseki’el 32:9 - NQAARIIT NE ROOG

⁹ Xam fuuxnoor xeeñ no qeet mayu, yaa um ɓisiidkaa o njakad onqe wo me den na saax akaa and’eeroona.

Heseki’el 32:9 Referans Kwoze

Mbeeñil 11:18

Qeet ke fop kaa mbuux’u boo a mbuɓaa, ndaa waxtu fee waroona o fuux fa waxtu fee waroona o hate we nqonna a fadiida. Waxtu fee waroona o saɗig dag we wo na njo’tanang, waxtu fee o saɗigkaa we mbogna na wo, a saɗarong, ta ref yaal toole ke mbaat we neewna doole, a fadiida. Waxtu fee waroona o gef we na ngefaa adna fee a fadiida.»

Heseki’el 30:26

Xam pasar Miimisira we a ndeer qeet ke, picit a den na saax a pogreer, too xan da and ee mi refu o Yaal oxe.»

Heseki’el 30:23

Xam pasar Miimisira we a ndeer qeet ke, picit a den na saax a pogreer.

Heseki’el 29:12

Xam fi saax le Misira o mbiñ o mbootu a ndeer a saax ake mbootatna, too teeru ke ten xan a mbootat a ndeer teeru ke ndefatna juum kefatin boo xa kiid qarɓeen nahik. Xam pasar Miimisira we a ndeer qeet ke, picit a den na saax a pogreer.

A sutax ale 15:14

Qeet ke a yegaan too owe sendaa, diid maak a rok Fiifilista waa.

Heseki’el 27:29

Maaga, laalaf we fop xan a mbudoox a kaal ake den. Maamaag we fo jaajal we na kaal ake xan a ngeenoox a lanq.

Heseki’el 28:19

Fop we andoonga a ndeer qeet ke a naqadilooxa yaam wo. Xan o ref kaa na diidlandaa, too refkatiro tus boo muk.»

Heseki’el 30:9

A koom, duleer xan a ƭisit me mi, a ndok a kaal, ndax da sendnoor a Kuus kam o yaadax um. Xan a jeg coono a ndeer den na bes fee Misira, yaam a fada boo a ƴut.