Heseki’el 32:7 - NQAARIIT NE ROOG

⁷ Yaa o naagkaa ɗuƭ, xam sing asamaan fee, niifaarin xa qoor axe ten. Xam singit njeeƈ ne eel too o nqool onqe cooxitkatee a qoolaand um.

Heseki’el 32:7 Referans Kwoze

Mace 24:29

«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.

Yowel 2:2

Kaa ref ñaal o niɓaan fo a sisaaƥ, ñaal a eel fo a kuy. Xeet fee mayna bo too a jeg doole kaa garaa nen mbeet naa na leeliidaa took xa coong axe. Kaa nandna neene mosee o jeg, too moskatee o jeg muk no suk ke na ngaraa.

Heseki’el 30:3

Bes fee a matiida, bes fee no Yaal oxe a matiida. Bes a eel a refkaa, waxtu fee no qeet ke.

Esayi 34:4

Katil ke ndefna na asamaan xan a ngef, asamaan fee a fokatoor nen a kayit a tore, soo juq le na xa qoor axe ten a yurdooxiid ne a naf ndaxar biiñ a yurdooraa, ne a naf ndun a ƥoorooraa.

Esayi 13:10

Xa qoor axe na asamaan fo xa kulook axe ten meleƈinkatee a qoolaand den. Njeeƈ ne oxaa wataa, a ɓalig ɗok, a qoor ale a niifaar.

Mbeeñil 8:12

Cinj kaaga, malaaka fa nahkandeer fee a luuƥa. Naaga, a qaaj a tadkandeer ale na qoor ale fo ale na xa qoor axe a nqawe, boo oxuu refna na den, a qaaj a tadkandeer ale na qoolaand um a mo. Jeg’atee a qoolaand na qaaj a tadkandeer ale no ñaal ne fo ale no yeng ole.

Mark 13:24

«Kaa koy, no ñaal kaaga, cinj coono fa maak faaga, njeeƈ ne xan a nuk, a qoor ale a niifaar,

Amos 8:9

A koom, xam fi njeeƈ ne a mud yaa ta fodna ndeer xoox, o niɓaan a joot took lanq ke njoloor o mbuc. Mi o Yaal oxe na refkaa boo faw layun.

Heseki’el 30:18

Kam Tapanes, ñaal ne xan a niifaar, yaa um ɓolkaa teen kadoor ke Misira soo doole fa nga’atinoor fee ten a sooƴ teen. Xan eel a muur a Tapanes, soo mboƥ ndoog ne ten a ƥisel gilaa saax took o hup doole.

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Xa peƭit axe 13:9

A qoolaand ale no jofu we kaa naag qac, o lampa le no soxodu we mat a ñufaa ɗuƭ.

YEGIL MBAAX NE YEESU ne Lik a bindtuuna 21:25

«Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake.

Ke bindeena no xe ne’eena YOB 9:7

Kaa ta xañtaa njeeƈ ne ta wat, xa qoor axe, ta weg a den gik.

O baawaare xe 12:2

boo njeeƈ ne fo a qoolaand ale, a qoor ale fo xa qoor axe a ngelko fo niifaaraa na wo, soo a eel ake a nomtooxiid ndak fo ndak cinj a teƥ ale.

Heseki’el 31:15

Keeke o Yaal oxe na refkaa boo faw a layu: «A koom alaa ta xaadna jaaniif, simtaam ñaawax. Muuraam juwaam fee yaam o ten, harin xa quluɓ axe, poofi maak ke a ngeennel. Niɓaannaam a Libaŋ yaam o ten, too taxar ke na koƥ ale fop a mbeera ŋayam yaam o ten.

Heseki’el 34:12

Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.

Yowel 2:10

Lanq ke kaa sendaa mbaambir den, asamaan fee a yo’noox, njeeƈ ne fo o nqool onqe a nuk, soo xa qoor axe a ñak a qoolaand den.