Heseki’el 32:6 - NQAARIIT NE ROOG

⁶ Xam soorit fo’oy le wo saax le, o weƴaa boo na xa coong axaa, too xan a mayƭand a kamb ake.

Heseki’el 32:6 Referans Kwoze

Esayi 34:3

We mbareena na den kaa luuñaa a lanq, a qooñaan ale na xa tal axe a naang xun, soo fo’oy den a xayaa na xa coong axe.

Mbeeñil 14:20

Xa biiñ axe a nolte kam o nirir ole tafil teeru fee. Maaga, fo’oy a sutoora no nirir ole, a xay boo ngap kilomeet teemeed tadik. O qooɗel um koy a reta boo a waag o laxaaɓ pis.

Esayi 34:7

Naak-a-koƥ ke a yenandoora, den fo qoox ke fo sund ke. Lanq ke den kaa nqeƴ fo’oy, soo fo ut ole den a neƥaa fa neebam,

A sutax ale 7:17

Keeke o Yaal oxe a layu: No jaf leeke o andkaa yee mi refu o Yaal oxe. Ten o mat heblaxam, ndax um xaw poofi ke no xuluɓ ole fo o loq ole saquuma no ɓay es, too xan da suptoox fo’oy.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

Heseki’el 35:6

ten taxu ne ta wooritna yee mexe ñoowaa, mi o Yaal oxe na refkaa boo faw layun, xam ɓax fo’oy of too fo’oy le xan a reefang. Feek sibiro ɓax fo’oy, fo’oy le xan a reefang.

Heseki’el 35:8

Xam mayƭand xa coong axe ten fo xon. We laƥ ne a fandkaa xan a yen took a ñaang ake wo fo na yulanq ake wo fo na kamb ake wo.