Heseki’el 32:10 - NQAARIIT NE ROOG

¹⁰ Xam ɓek qeet mayu no jaq yaam wo, soo maad we den a ndaprapnaa yaam wo, yaa um yetinkaa laƥ ne mi mbaambir den. Xan a sendaa na waxtu fuu refna, oxuu refna a talaa o ñis um, na bes fee o yenkaa.

Heseki’el 32:10 Referans Kwoze

Heseki’el 27:35

Fop we ngenna na pimb ake a njaqa yaam wo. Maad we den a ndiida boo a sendaa, mukit den a seeƈaar.

Heseki’el 26:16

Gelwaar we no maag ole fop xan a mbudoorit na tungul ake den, a mbol lori ke den, a ƥool toki kemeñe ke den, a may fo diid, a moof a lanq, a ngen no sendaa, a njaq no taamaala ke na ndalkang.

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Sakari 11:2

Nuun pilaawo ke, mboygooxyo, yaam taxar seedar ke a luƈtooxa, taxar mosu keene a yaqe! Nuun kariñ ke Basan, mboygooxyo, yaam suungaan le naag’ina firiis a gaakooxa!

Heseki’el 30:9

A koom, duleer xan a ƭisit me mi, a ndok a kaal, ndax da sendnoor a Kuus kam o yaadax um. Xan a jeg coono a ndeer den na bes fee Misira, yaam a fada boo a ƴut.

Yeremi 51:9

Kaa layel ee: «I mbaadna a Babilon, ndaa wodee! Fat i mbaasin pelek, nqaad, oxuu refna no saax um, yaam a qaw um a daawka a asamaan, a yoɗoox boo na eel akaa.»

1 Maad we 9:8

Xan Mbind nene a refat juum kefatin, too fop we na ndeefkaa a paam um, xan a njaaxiɗ, a mbuuƴ, a laamtooxaa yee: ‹Xar taxu o Yaal oxe a fi kene saax lene fo Mbind nene?›

A cangatin ale 32:41

neene a woortu yee xam lak weel le no laƥ es, dalin o cofel, rabdinoox took no fañ es, xaw we sibaxama.

A cangatin ale 29:24

Xan a ndoonel ee: ‹Ke taxuuna refu yee kaa ndeɓ ngiɓoor ne o Yaal oxe Roog fee no daan den a dalin’ina fa den a cinj ye ta sutna a den no saax le Misira,

Esayi 30:32

O loq oluu ta ɗaayaneena, too o Yaal oxe a fadkan o ten, a ñal ake fo fo nqilimb ne xan a mbangoox. O Yaal oxe xan a xire fo ten, a yoɗanin o ɓay um.