Heseki’el 30:9 - NQAARIIT NE ROOG

⁹ A koom, duleer xan a ƭisit me mi, a ndok a kaal, ndax da sendnoor a Kuus kam o yaadax um. Xan a jeg coono a ndeer den na bes fee Misira, yaam a fada boo a ƴut.

Heseki’el 30:9 Referans Kwoze

Esayi 23:5

Xan Miimisira we a send, yaa da ndaawkaa o nan ole na fa yaq fee Tiir.

Sofoni 2:15

Keene na dalkaa teeru fa ƭaayu fee reeƭna no woor, a layaa taa no yiif um ee: «Mi doŋ refu meen!» Nam a yaqte neeke, boo a refat o koorand no muumeen ke? Fop we na ndeefkaa paam um xan a mbuuƴaa, a mbulaa a qoox.

Sofoni 2:12

«Nuun Kuukuus we itam, xam warnoor a nuun na xire.»

Amos 4:2

Keeke mat o Yaal oxe na refkaa boo faw a layu na nuun, a daaɓoortin o tedel um: «Ñaal ke nu sutkeel saate nuun, lokeel nen liƥ no jaar, nuun fo xa ƥiy nuun, owey a ngaraa,

Heseki’el 39:6

Xam hebliid fiɗel kam Magog fo ndeer no we ngenna na pimb ake mboorna, too xan da and ee mi refu o Yaal oxe.

Heseki’el 38:11

ee: ‹Xam inooxan saax laa naagna faŋ, songik wiin yaadooxu waa ndefna no woor me da ngenna den fop kam teeru kaa njegeerna saŋe mbaat a kinglir mbaat begax.

Heseki’el 33:33

Yaa keene layoona a fadnooxkaa, too a fadiida boo a ƴut sax, xan da and ee a jeg’a o tuleer a ndeer den.»

Heseki’el 27:35

Fop we ngenna na pimb ake a njaqa yaam wo. Maad we den a ndiida boo a sendaa, mukit den a seeƈaar.

Heseki’el 26:16

Gelwaar we no maag ole fop xan a mbudoorit na tungul ake den, a mbol lori ke den, a ƥool toki kemeñe ke den, a may fo diid, a moof a lanq, a ngen no sendaa, a njaq no taamaala ke na ndalkang.

Yeremi 49:31

Inooxyo songik xeet fee yaadooxna, a mboog ee no woor a ndefu! Mi o Yaal oxe layun. Njegee begax, a kinglir ne’aand, a ñoowaa no woot.

Yeremi 49:21

Fangax le no njom ne den xan a tax lanq ke a yo’noox, xa buuq den a nannoox boo na Kal alaa no xeet laa.

Esayi 47:8

Ndiiki boog, nan-gilooxi, woxe na ñaamaa jamaane of, moof a paax fo o yaadax too layaa yee: ‹Mi, jegiim o nand, andkiim ke ñaaw a refna boo muk too ñakkiim xa ƥees.›

Esayi 20:5

Maaga, we ƭag’ina yaakaar den na Kuus fo we mbi’’ina a Misira qaaƴoor, xan a ndiid soo a sed.»

Esayi 20:3

O Yaal oxe a laya yee: «Ne Esayi fee o tag es a ñaaƴitna o ƥor, too o ñaaƭ reefiran boo xa kiid xa tadaq, ndax ta ref o anddiloor fo mandarga na Misira fa Kuus,

Esayi 19:17

Lanq ke Yudaa xan a ndiidnooraa a Misira. A mbanuu ta ne’eena rek, xan Misira a diid, yaam ke o Yaal oxe Hupna fop a yuuɓanuuna.

Haahate we 18:7

Goor ɓetuk waa a suura boo a mbadiid Layiis. A nga’a yee xeet fee ngenoogna maaga kaa yaadoox’u, a ñoowaa na jam fo no woor nen Siisidoŋ we deŋ. Jeg’ee kam saax le o leng oxaa na gal’andaa a den tee kaa maadooxaa took den. Kaa ngoƭatir’u fo Siisidoŋ we too ndeer’ee dara fo wiin lakas.

1 Tesalonik 5:2

Yaam nu andooda xil ee bes fee o Yaal oxe a garkaa, xan a nand nen o kuuɗ o inooxu kam o yeng.

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.