Heseki’el 30:8 - NQAARIIT NE ROOG

⁸ Maaga, xan da and ee mi refu o Yaal oxe, yaa um heƥandkaa fiɗel took Misira, soo we ndimle’iiduuna fop a nduguñoox.

Heseki’el 30:8 Referans Kwoze

Heseki’el 29:6

Maaga, we ngenna Misira fop xan a and ee mi refu o Yaal oxe, yaam kaa ndeeƭu nen ndamlooxand xeet no mbind Isra’el.

Amos 1:14

Xam fudin fiɗel took saŋe ke mbidna Raba, ta raaɓ pind no maad ke ten, ndeer xa buuq na bes xire, nen kam a und na bes o ufang,

Amos 1:12

Xam fudin fiɗel took Temaan, ta raaɓ pind no maad ke Bosra.»

Amos 1:10

Xam fudin fiɗel took saŋe ke mbidna Tiir, ta raaɓ pind no maad ke ten.»

Amos 1:7

Xam fudin fiɗel took saŋe ke mbidna Gaasa, ta raaɓ pind no maad ke ten.

Amos 1:4

Xam fudin fiɗel took mbind Hasa’el fee o maad, ta raaɓ pind no maad ke Ben-Hadad.

Heseki’el 30:16

Xam heƥand fiɗel kam Misira, Siin a diid boo a sendaa. Teeb xan a sexel xa kur, fañ we a njaɓ a Memfiis njoloor o mbuc.

Heseki’el 30:14

Xam gef a Patros, heƥand fiɗel kam Cowaan soo fadin kate es took Teeb.

Heseki’el 29:16

Refkatee muk no mbind Isra’el koolooxel kaa na ñoowdandaa tooñ ne da mbi’na boo a ƈut, ye da ngeleerooxna farna fo Miimisira we, too xan da and ee mi refu o Yaal oxe na refkaa boo faw.»

Heseki’el 29:9

Saax le Misira xan a refat o mbiñ o mbootu fo a pec too xan da and ee mi refu o Yaal oxe. Kaa o lay ee: ‹Niil fee mi jegun, mi fi’oodun!›

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

A kim a tedu ke 58:11

O cofu xe xan a jeg o ɗaay, yaa ta ga’kaa ndabdinax ne Roog took no soxodu we soo a loofaa no fo’oy den.

Amos 2:5

Xam fudin fiɗel took Yudaa, ta raaɓ pind no maad ke Yeerusaleem.»

Amos 2:2

Xam fudin fiɗel took Mowaab, ta raaɓ pind no maad ke Keriyot, Mowaab a duutel kam combol, a mooc ndeer xa buuq xire, yaa a luuƥ ale a jibkaa.

Heseki’el 28:26

Xan a ngen teen fo o woor, a max pind, a njimb a ƭing taxar biiñ. Xan a ngen teen fo o woor, yaa um fadinkaa kate es took no fop we mbidna a den, a nqeefaa a den. Maaga, xan da and ee mi refu o Yaal oxe Roog den.»

Heseki’el 28:24

O Yaal oxe kaa tee: «Mbind Isra’el jegkatee muk a ndeer qeet ke mbiduuna na nqeefan, nen a bej akaa na ngaañaa mbaat kiƈ kaa na ndibaa, too xan da and ee mi refu o Yaal oxe.

A ƭomatax ake 4:11

O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.

Esayi 42:25

Ten taxu o Yaal oxe a fudin took xeet um fuux ɗomu le ten fa xire fa ƭomu. Ƈulfaan kaa mbidin muu refna, ndaa taxee ta and, o dox ole a daawin, ndaa haaliran.

A cangatin ale 32:22

Fiɗel le no fuux le mi a kaƥa, too kaa raaɓaa boo kam ee kam jaaniif, a sooynaa lanq ke fo ke da mbatna, a doxaa a per ake na xa coong axe.

Heseki’el 39:6

Xam hebliid fiɗel kam Magog fo ndeer no we ngenna na pimb ake mboorna, too xan da and ee mi refu o Yaal oxe.

A kim a tedu ke 46:10

O ten na xafaa a ñoq ake boo no cat adna. Kaa duguñaa a qali ke, a ɓolaa a salma ke soo a raaɓaa a sareet-xire ke.