Heseki’el 30:3 - NQAARIIT NE ROOG

³ Bes fee a matiida, bes fee no Yaal oxe a matiida. Bes a eel a refkaa, waxtu fee no qeet ke.

Heseki’el 30:3 Referans Kwoze

Abjaas 1:15

Ñaal ne o Yaal oxe a hate’kaa qeet ke fop a matiida. A koom, xan o fi’el leng kut ke fi’oona lakas we, nomtel paaxeer ke fi’oona.

Heseki’el 34:12

Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.

Heseki’el 30:18

Kam Tapanes, ñaal ne xan a niifaar, yaa um ɓolkaa teen kadoor ke Misira soo doole fa nga’atinoor fee ten a sooƴ teen. Xan eel a muur a Tapanes, soo mboƥ ndoog ne ten a ƥisel gilaa saax took o hup doole.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Heseki’el 7:7

Wo yoqte, wo xe genna no saax le. Hap fee a fada, bes fee a matiida, bes fee na nootax ale too xa ƈeel njibkatee took xa coong axe.

Sofoni 1:14

Bes fa maak fee no Yaal oxe a matiida. A matiida, too oxe fadiidaa no ñofu. Bes fee no Yaal oxe xe fangooxaa, soo a salma-koor ake sax a njibin xa paɗax.

Sofoni 1:7

Naangyo cuxus mbaambir no Yaal oxe na refkaa boo faw, yaam bes fee no Yaal oxe a matiida. A jaganda sadax, a tedland we ta xurna.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Heseki’el 32:7

Yaa o naagkaa ɗuƭ, xam sing asamaan fee, niifaarin xa qoor axe ten. Xam singit njeeƈ ne eel too o nqool onqe cooxitkatee a qoolaand um.

Mbeeñil 6:17

yaam bes fa maak fee da nqawkaa a in a fadiida, too an na waagkan o haŋ?»

Saak 5:9

Fog es, ba nu ñunqumtiloox, ndik Roog a hate a nuun. Nan-gilooxyo, o Kaahate xe a mata, oxey no don-maax ole.

Filip 4:5

Fat wiin we fop a and o lewet nuun. O Yaal oxe a matiida!

Mace 24:33

Neene itam, boo nu nga’na keene fop, andyo yee o Ƥeenqe no kiin oxe a matiida, oxe paam o don-maax ole.

Heseki’el 29:12

Xam fi saax le Misira o mbiñ o mbootu a ndeer a saax ake mbootatna, too teeru ke ten xan a mbootat a ndeer teeru ke ndefatna juum kefatin boo xa kiid qarɓeen nahik. Xam pasar Miimisira we a ndeer qeet ke, picit a den na saax a pogreer.

Heseki’el 7:19

Xan a ndeɓ xaaliis den no ped ke, soo wurus den a refat ƭaaq. Xaaliis fa wurus mbaagkee o mucil a den no ñaal ne no fuux le no Yaal oxe. Mbaagkee o safin a peep den, mayƭand o fud den ne’aand, yaam kaa ndef ɓil le na tolofnooraa a den, took o ngar fo tooñ den.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

A kim a tedu ke 110:6

a hate a saax ake, xa tal ee gañ, ta duguñ kelfa fee no saax yaaju.

A kim a tedu ke 37:13

ndaa o Yaal oxe kaa jalan, yaam a ga’a bes fee na qaw um a garaa.

A sutax ale 14:24

No mbuyukuun naa, o Yaal oxe a horooxa Miimisira we no ke xotitna no aal le boo no eel le too a jaxasranda a den.

A sutax ale 14:20

a rok a ndeer Miimisira we fo Ii-isra’el we. Eel leene kaa niɓaan’u no saax o leng ole, soo no saax o lakas ole ta fi a qoolaand, a xoolandaa o yeng ole fop. Neene, Miimisira we mbaag’ee o matiid Ii-isra’el we o yeng ole fop.

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Heseki’el 13:5

Nu ndetee nqendandik xa kur axe no saŋe ne, ndax nu saytoox mbind Isra’el fo ɓit, saƭik koŋ na ñoq ale na bes fee no Yaal oxe.

Esayi 13:9

Ñaal ne no Yaal oxe ney garaa, a ñak yirmande, a ƴaxooxaa, soo fuux um a raaɓaa. Xan a yaq lanq ke bo da mbes a pec, a saŋik baabakaad we ngenna teen.

Yeremi 25:31

Fangax le a nannooxa boo no cat adna, yaam o Yaal oxe xe layooraa fo qeet ke, a hate’aa pindeef ke fop, soxodu we ta ɓoxot a den da saŋkitel laƥ.› » O Yaal oxe layun.

Heseki’el 7:10

Ñaal ne xey! Oxey a garaa! Wo yoqte. Kañaan ne a fiɗa, o nga’atinax onqe xe gañ.