Heseki’el 30:2 - NQAARIIT NE ROOG

² «Wo fee o ƥiy no kiin, jo’tanaam! Fat o lay ee: Keeke o Yaal oxe na refkaa boo faw a layu: Ƭomatooxyo yee: Cey, koo bes fene!

Heseki’el 30:2 Referans Kwoze

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Yowel 1:11

Xooxoox we a njaqa, yaal a ƭing taxar biiñ ake a ƭomatooxaa, yaam ne bele fee fa lorso fee a ñakeena, saxade le na xa qol axe a yaqoox.

Yowel 1:5

Nuun waaway we, yokooxyo too lool! Nuun yeeyer we na biiñ fee, ƭomatooxyo, yaam o ngoon onqe na xa tim biiñ axe fadkatee na xa ton nuun.

Heseki’el 21:12

Maaga, yaa da laamitkang ee: ‹Xar o iinaa?› Fat o doon a den ee: Kaam daaw o nan o feleer olaa na taxkaa nof ke fop a mboof, xa ƥay axe fop a yaar, a yiif ake fop a njaq, kuɓay ke fop a nand fa foofi. Oxe garaa too xan a fadnoox. Mi o Yaal oxe na refkaa boo faw layun.»

Esayi 15:2

We ngenna Diibon owe ŋaayaa na ñaang a sadaxand ake, ndax da loolit maaga. Mowaab oxe ɗomatooxaa yaam teeru fee Nebo fa fee Medeba. A qoox ake fop a nduuse, xa taatam axe fop a mboyel.

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Saak 5:1

Nuun yaal kalal ke, nan-gilooxyo fa lay es. Nu mbara o lool, too iin, yaam taamaala ke na ndaawkaa a nuun.

Sakari 11:2

Nuun pilaawo ke, mboygooxyo, yaam taxar seedar ke a luƈtooxa, taxar mosu keene a yaqe! Nuun kariñ ke Basan, mboygooxyo, yaam suungaan le naag’ina firiis a gaakooxa!

Sofoni 1:11

Iinyo, nuun we ngenna na dik fee na xoyeel o faƥ ole, yaam jula we fop xan a saŋkel, jiijikax we a moocandel.

Yeremi 47:2

O Yaal oxe kaa tee: «Poofi key a maynitiidaa no ɓemb-roog o janoon, a ndefat a ƈufnand alaa balna, a mbi o jaɓ no saax le fo ke refna teen fop, teeru ke fo we ngenna teen. Wiin we we mbuuqaa, we ngenna no saax le fop a iinaa.

Yeremi 4:8

Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

Esayi 65:14

Dag es xan a sawar tigi boo a ƈeelaa yaam o mbelakinax, ndaa nuun o mat, xan nu mbuuqaa yaam o ƭomel. Xan nu ƭomatooxaa, a qeeñ nuun a ngooy.»

Esayi 23:6

«Nuun we ngenna paam o maag ole, ndefyo na coytax, ƈaktoox boo Tarsis.

Esayi 23:1

Ke layeena na Tiir: «Nuun a kaal a maak a cula’ir ake na ndetaa Tarsis, ƭomatooxyo, yaam waax nuun a gefe tuƈ.» A yegaan, ye da inoorna no fimb laa Sipere, a ngataa.

Esayi 16:7

Ten taxu Moomowaab we owe ƭomatooxaa a ndeer den, den fop owe ƭomatooxaa yaam xa tim biiñ axe Kiir-Hareset a njoytooxaa yaam kam fa mbagu.

Esayi 14:31

Ndokand ne, ɗomatooxi! Teeru fee, jibni xa buuq! Wo saax le Filista fop, foygooxi yaam fo suun ole na inoortiidaa no ɓemb-roog o janoon, too o leng jaqooxee no qod ole no fañ we.

Heseki’el 30:1

O Yaal oxe a daawnaxam fa lay um na xa ƭelem axene: