Heseki’el 3:9 - NQAARIIT NE ROOG

⁹ Xam fi tagid of a saƭik nen jamaa, a moƴ o saƭik ɓil. Ba o saɗar a den boog too ba o send mbaambir den, ke da ndefna ndef xeet fa mbaafañ fop oo.»

Heseki’el 3:9 Referans Kwoze

Heseki’el 2:6

Wo fee o ƥiy no kiin, ba o saɗar a den, too ba o saɗar fa lay den, ke o refkaa ref a ndeer takar-ñiig fo tomb soo moof fo a beex fop oo. Ba o saɗar fa lay den too ba o send mbaambir mukit den, yaam xeet fa mbaafañ a ndefu.

Esayi 50:7

Kaa koy, o Yaal oxe na refkaa boo faw kaa dimle’aam, ten taxu maafaandeem. Kaam saƭkand mukit es nen gac, too andaam ee sedkiim.

Sakari 7:12

A saƭkanda a qeeñ den koŋ nen jamaa, ndax nan-gilooxkee a cangin es fo fa lay es, mi o Yaal oxe Hupna fop, lultiiduuma na pexey Yiif es, reefandin no duleer we yaaga. Keene garu fo fuux ɗomu le mi, mi o Yaal oxe Hupna fop.

Yeremi 1:8

Ba o saɗar a den, yaam mexey fa wo, ndax um watong.» O Yaal oxe layun.

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

1 Timote 2:3

Keene a faaxa, too a fela a Roog fee o Muumucil in.

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Esayi 41:14

O Yaal oxe kaa tee: «Ba o saɗar dara, wo Yakoob fee na xalaataa yee refiro tus, wo yoqatin fooreer le Isra’el, yaam mi na ƴufgang, mi o Tedu xe Isra’el na watkang.

2 Timote 2:6

O qooxoox oxe na ɓaarooxaa waru eet o ñaƭoox duufe um.

Yeremi 15:20

Xam fi’ong na xeet fene tabax nqanjar saƭku koŋ. Xan da ñoxor fa wo, ndaa mbaagankirang dara, yaam mexey fa wo, ndax um muclong soo watong. Mi o Yaal oxe layun.

Heseki’el 3:8

Xam feƭarin mukit of nen fee den, o saƭik xoox nen a den.

Heseki’el 3:10

A layaxam ee: «Wo fee o ƥiy no kiin, fa lay fee um laykang fop, ɓekeen no xeeñ of too nan-giloortin nof of.

Heseki’el 44:6

Fat o lay faafañ we mbind Isra’el ee: «Keeke o Yaal oxe na refkaa boo faw a layu: Nuun mbind Isra’el, deyƭooxaam sik na pi a cednooxu ke nuun!