Heseki’el 3:7 - NQAARIIT NE ROOG

⁷ Kaa koy, mbind Isra’el njaɓkirang o nan-giloox, yaam njaɓiraam o nan-giloox, mbind Isra’el fop kaa saƭik a qoox too a ndir a qeeñ.

Heseki’el 3:7 Referans Kwoze

YEGIL MBAAX NE YEESU ne Lik a bindtuuna 10:16

Yeesu a dakooxa o lay daalbe um ee: «Oxuu nan-gilooxna a nuun, mi a nan-gilooxu, oxuu fañna a nuun, mi a fañu, too oxuu fañaxama, Faap es fee luliidaxama a fañu.»

Heseki’el 2:4

Me no wiin weene saƭikna a qoox too a ŋajaa um lulang, ndax o lay a den ee: ‹Keeke o Yaal oxe na refkaa boo faw a layu.›

1 Sami’el 8:7

O Yaal oxe a doona a Sami’el ee: «Nan-gilooxi ke xeet fee a laykang fop, yaam refee yee wo a ndeɓu, ndaa mi sax a ndeɓu, ndax maadooxkatiim a ndeer den.

YEGIL MBAAX NE YEESU ne Lik a bindtuuna 19:14

Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›

YEGIL MBAAX NE YEESU ne Lik a bindtuuna 13:34

Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokattaa xa ñeek um yoora a nafir um, too nu mbañ!

Heseki’el 24:7

Fo’oy le ta ɓaxna le maadaa a ndeer um. Kaa ɓaxin took ɓil le naagna faŋ, ɓaxiran took lanq ke, ndax fo ut ole a muurin.

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Yeremi 3:3

Maaga, xañtaaxoong a teƥ ale, too jegatee puyaam seeseek, ndaa kaa o xox no jaga’aa too sediro teen dara.

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

Esayi 48:4

Ne and’uuma yee xeet fa nanaƭaru nu ndefu faa na siiknooreel soo a saƭik a qoox,

Heseki’el 3:6

Um lul’angaang farna fo qeet mayu kaa lak den a ƭomna too a njafeñ o andel na wo, a nan-gilooxkoogaang.

Heseki’el 3:8

Xam feƭarin mukit of nen fee den, o saƭik xoox nen a den.

Sakari 7:12

A saƭkanda a qeeñ den koŋ nen jamaa, ndax nan-gilooxkee a cangin es fo fa lay es, mi o Yaal oxe Hupna fop, lultiiduuma na pexey Yiif es, reefandin no duleer we yaaga. Keene garu fo fuux ɗomu le mi, mi o Yaal oxe Hupna fop.

Yeremi 6:10

An um layitkaa? Ndi an um raagooxkaa, ndax um nan-gilooxel? Nof ke den kaa sux, mbaagee o nan-giloox muk. Fa lay fee no Yaal oxe kaa ref na den calat, mbugiran.

Yeremi 6:17

Dalnanaam a nuun yeeyetax waa maƭooxna a nuun ee: ‹Nan-gilooxyo fangax le na luuƥ ale.› Kaa koy, nu ndoona yee: ‹A ƭat in yongee teen.›

Yeremi 7:27

Wo Yeremi, o layangaa a den keene fop, nan-gilooxkirang, o xoyangaa a den, njaaɓkirang.

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.