Heseki’el 3:4 - NQAARIIT NE ROOG

⁴ A layaxam ee: «Wo fee o ƥiy no kiin, reti no mbind Isra’el, too daawin a den fa lay es!

Heseki’el 3:4 Referans Kwoze

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

Mace 15:24

Yeesu a doona yee: «Lakas taxee um luliidel, a refangee paal mo’u ke Isra’el.»

Heseki’el 3:11

Reti soƥik we ƥiseena gilaa saax took o hup doole, xa ƥiy axe na xeet of, lay fa den, da nan-giloox mbaat da mbañ o nan-giloox, layi a den ee: ‹Keeke o Yaal oxe na refkaa boo faw a layu.› »

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Heseki’el 2:3

A layaxam ee: «Wo fee o ƥiy no kiin, mexe lulang me no Ii-isra’el we, xeet fa mbaafañ feene siiknoorna fa mi. Boo xaye, den fo daan den kaa ngodaam.

Heseki’el 3:3

A layaxam ee: «Wo fee o ƥiy no kiin, mayƭandti o fud of soo ñoowdandit cer of o laxas a pind oleene cooxoonga!» Ñaamaanum too a safa nen suum no don es.

Heseki’el 3:5

Lulaandee farna fa xeet faa na layaa lak fa ƭomu too a jafeñ o andel, ndaa farna fo mbind Isra’el.

Heseki’el 11:4

Jo’tanaam a den, kaam ee wo fee o ƥiy no kiin, jo’tanaam.»

Heseki’el 11:25

Maaga, wetandooxaam we ƥis’eena took o hup doole ke o Yaal oxe a feeñil’axama fop.

Heseki’el 20:27

«Ten taxu wo fee o ƥiy no kiin, layi fo mbind Isra’el. Fat o yegin a den ee: Keeke o Yaal oxe na refkaa boo faw a layu: Daan we nuun kaa mbenoogaam yaa da laltaa ngore’aƭar na mi.

Heseki’el 2:4

Me no wiin weene saƭikna a qoox too a ŋajaa um lulang, ndax o lay a den ee: ‹Keeke o Yaal oxe na refkaa boo faw a layu.›