Heseki’el 3:26 - NQAARIIT NE ROOG

²⁶ Xam taƥin ɗelem of no faƭanq of, too xan o muumat boo waagkatiro o xasan a den, yaam xeet fa mbaafañ a ndefu.

Heseki’el 3:26 Referans Kwoze

Heseki’el 24:27

A koom, xan o don of a wetoox yaa oxe mucna a fadiidkaa too xan o lay, muumkatiro. Xan o ref na den o anddiloor, too xan da and ee mi refu o Yaal oxe.»

A kim a tedu ke 137:6

Wo Yeerusaleem, um weecangaang, too fi’iroong o ɗaay es ole hupna fop, koo fat ɗelem es a saaƭoor fo o faƭanq es.

A kim a tedu ke 51:15

Maaga, xam aqatin a ƭat of baabakaad we mbesoonga a cinj, too xan a nomtooxiid me wo.

Amos 5:10

Andaam koy ee nu mbugee oxaa lalna a nuun njofaƭar nuun, ne’atiim oxaa na doonaa nqol no ndigil ne yaa fo nqeloor.

Hoose 4:17

Efrayim a hiɓoora fo pangool ke. Xaƴeen!

A ƭomatax ake 2:9

Begax ke ten a yena a lanq. A ɓola a kinglir ake soo a yaq a den. O maad um fo kelfa ke ten owey a ndeer qeet lakas ke. Kebil ndefatee meen, too duleer we ndaawtatee no Yaal oxe mbeeñil leng.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

Heseki’el 33:22

O ɓay ole no Yaal oxe a doonoox’a took es no kirand naa yaaga oxe mucna fadiidafulee, too o Yaal oxe a wetan’axam o don es ye ta garna me mi no nqes ne. O don es a muƥtoox’a too muum’atiim.

Dañel 10:15

Ye ta layaxam keene, lupandooxaam, naag tek.

Hoose 4:4

O Yaal oxe kaa tee: Refee koy ee oxuu refna ware o xasan mbaat ta ɓanjel, ndaa wo, o saasadax o maak oxe o mat, um layoorkaa.

Heseki’el 12:2

«Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

Heseki’el 12:3

Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.