Heseki’el 3:23 - NQAARIIT NE ROOG

²³ Inooxaam soo sutoox kam a yulanq ale, too o ndam onqe no Yaal oxe a feeñooxa maaga, ne ga’it’anuuma deŋ paam o xuluɓ olaa Kebaar. Maaga, deɓooxaam a lanq gung.

Heseki’el 3:23 Referans Kwoze

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

A pi ake 7:55

Kaa koy, Eceen a maya fo Yiif Tedu le, too a daxaaƴooxa farna fa asamaan. Maaga, a ga’a o ndam onqe Roog, a ga a Yeesu, ta geenoox na ñamaak Roog.

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

Mbeeñil 4:10

maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

Dañel 8:17

Gaburi’el a gara boo paam me reeƭuuma, too ye ta matiidaxama, diidaam soo deɓoox a lanq, gung. A layaxam ee: ‹Wo xe o kiin doŋ, andi yee mbeeñil neene kaa jagin no muukandoong adna.›

Heseki’el 10:18

O ndam onqe no Yaal oxe a inoora no peg ne no Mbind Roog ne soo a doonook took pindel yeeyetax ke.

Heseki’el 9:3

Maaga, o ndam onqe na Roog fee Isra’el a yoɗoorta took mbindel yeeyetax ne, a jagin no peg ne no Mbind Roog ne, soo a xoy o koor oxe rokooxna njoor ne, a saq a pindir no qap um.

A lim ale 16:19

Koora a sooba mbokatax ne fop boo da mbokatooran a Moyiis fa Aaroon no ndokand ne no Ƭiif ne o Yaal oxe a xetteel. Maaga, a qoolaand ale no ndam onqe no Yaal oxe a feeñooxa mbokatax ne fop.

Heseki’el 8:4

A jeg’a maaga o ndam onqe na Roog fee Isra’el nandtoogna mbeeñil ne ga’uuma na yulanq alaa.

Heseki’el 43:2

Maaga, ga’aam o ndam onqe Roog fee Isra’el, ta inoortiidaa no batand. O ñuxur ole ten kaa nandtoogu fangax poofi cegu doole, lanq ke fop a may fo o ndam onqe ten.

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Heseki’el 44:4

O koor oxe a ɓisaxam farna fo o don-maax ole no ɓemb-roog o janoon mbaambir Mbind Roog ne. Ɗeetaam too ga’aam o ndam onqe no Yaal oxe mayƭand’ina Mbind ne no Yaal oxe.

Yosuwe 5:14

O koor oxaa a doonaan ee: «Fariim fo leng! Mi refu o aa-adax oxe no xiixire we no Yaal oxe, too kaam sog o fadiidaa.» Yosuwe a dalfooxa o naag giriƥ-riƥ, a gung a lanq soo a layin ee: «Xar o Yaal es a ñaaƴiidu me mi, mi fee o tag um?»