Heseki’el 3:19 - NQAARIIT NE ROOG

¹⁹ Kaa koy, o maƭooxangaa o soxodu xe too fesee kañaan um fo a ƭat a paaxeer um a cinj, xan a xon yaam njofaƭar um, ndaa wo o mat, xan o ɓogoox teen qac.

Heseki’el 3:19 Referans Kwoze

Heseki’el 33:9

Kaa koy, o maƭooxangaa o soxodu, ndax o ɗapnoorin a pesoorooƭ um, too fesee a cinj a pesoorooƭ um, xan a xon kam njofaƭar um, soo wo o mat o ɓogoox teen qac.»

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

Heseki’el 14:20

ne ta wooritna yee mexe ñoowaa, mi o Yaal oxe na refkaa boo faw layun, Nowe, Dañel fa Yob a ndeeƭangaa a ndeer saax le mucilkoogee xa ƥiy xa koor mbaat xa tew axe den, o cofel den, o ñis den soom a mucilkoogu.»

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

A pi ake 20:26

Ten taxu mexe yegnan a nuun xaye yee: A jegangaa na nuun oxaa saŋkooxna, refiim teen tus,

Heseki’el 33:5

Kaa nan fangax le na luuƥ ale, too jaɓee o maƭooxel, yaaga boog ten gadooxu fa nqon um. Oxuu jaɓna o maƭooxel o mat, xan a mucil o ñis um.

Heseki’el 3:21

Kaa koy, o maƭooxangaa o cofu xe ndax genkee no bakaadaa, a bakaadatangee, kaam ee xan a ñoow, yaam a maƭooxe soo wo itam o mucil o ñis of.»

Heseki’el 3:18

Um layangaa o soxodu xe yee: ‹Xan o xon›, o maƭooxangiran, o layangee ndax o maƭoox o soxodu xe ta fes a ƭat a paaxeer um a cinj, ndax o mucil o ñis um, o soxodu xeene xan a xon yaam njofaƭar um, ndaa xam laamtong fo’oy um.

Xa peƭit axe 29:1

Oxe soqeena soo a maad no saƭik-xoox xan a duguñel ndak fo ndak, too jegkee ƈufig.

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

Heseki’el 33:3

o koor oxeene a ga’angaa xire a garaa took saax le, fat a jibin a luuƥ, a maƭoox xeet fee.