Heseki’el 3:18 - NQAARIIT NE ROOG

¹⁸ Um layangaa o soxodu xe yee: ‹Xan o xon›, o maƭooxangiran, o layangee ndax o maƭoox o soxodu xe ta fes a ƭat a paaxeer um a cinj, ndax o mucil o ñis um, o soxodu xeene xan a xon yaam njofaƭar um, ndaa xam laamtong fo’oy um.

Heseki’el 3:18 Referans Kwoze

Heseki’el 33:6

Kaa koy, o yeeyetax oxe a ga’angaa xire a garaa too jibnee a luuƥ, xeet fee a maƭooxangaand boo xire a gar a ñaam o leng na den, oxeene xan a xon yaam tooñ um, ndaa xam laamit o yeeyetax oxe fo’oy um.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

A pi ake 2:40

Maaga, Piyeer a saƭakina a den fo fa lay fa lakas fa mayu, too a maƭoox a den ee: «Njaɓyo muc no wiin faaxeer we ndiiki.»

YEGIL MBAAX NE YEESU ne Lik a bindtuuna 13:5

Ha’aa, mexe layan a nuun. Nu suptangee o ñoowooƭ, xan nu saŋkoox nuun fop nen a den.»

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

YEGIL MBAAX NE YEESU ne Saŋ a bindtuuna 8:21

Yeesu a dakooxa o lay a den ee: «Mexey retaa, too xan nu mbaaƭaam, ndaa pakaad nuun nu nqonitkaa. Nu mbaagkee o ngar me um jofaa.»

Heseki’el 18:20

O kiin oxe bakaadna na xonkaa. O ƥiy gadooxkee tooñ faap um, too faap oo gadooxkee tooñ no ƥeem. O cofel ole no cofu xe xan a ref took um, soo kañaan ne no soxodu xe a ref took um.»

YEGIL MBAAX NE YEESU ne Saŋ a bindtuuna 8:24

Ten taxu um lay a nuun ee pakaad nuun nu nqonitkaa. Nu ngimangee oxe refuuma kañ, a woora yee kam pakaad nuun nu nqonitkaa.»

Heseki’el 34:10

Keeke layum, mi o Yaal oxe na refkaa boo faw: Xam ɓek gaynaak weene o ɓay. Xam suud paal ke mi na xa ƥay den, xaƴkatiim a den da ndef ɗooɗox, a ƭoxaa a qoox den. Xam suqit paal ke mi no don den, too ndefkatee ñaamel den.

Heseki’el 18:4

Xa laaw axe fop mi jegu a den, o laaw ole na faap fee nen ole no ƥiy onqe, mi jegu a den. O laaw o baabakaad ole rek na saŋkooxkaa.

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

1 Timote 5:22

Fat o fi o ndang yaa o doonaa o kiin xa ƥay, yaam o bug o roxondin o far kam mbokatax ne no gimu we. Ba o ñofandooxin muk, too ba o fokatoor fo lakas we na bakaad den. Yufti a xoox of, waaƭ o tedel.

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

YEGIL MBAAX NE YEESU ne Lik a bindtuuna 13:3

Ha’aa, mexe layan a nuun. Kaa koy, boo nu supteerna o ñoowooƭ, xan nu saŋkoox nuun fop nen lakas we.

Heseki’el 18:13

a rawnitaa took o yaakaar teen tig, a hupal no rimand o lad um, ndax xan a ñoow? Ha’aa, ñoowkee! A fi’a cednooxu keene fop, too a woora yee xan a xon, a gadoox fo’oy um.

Esayi 3:11

Kaa koy, ndaw naqad took no soxodu xe, yaam xan a rabdel a pi um.

2 Maad we 1:4

Fat o layahinin ee: ‹O Yaal oxe kaa tee: Inooxkiro no njong ne wondooxoona, ndaa xan o xon faq.› » Eliya a fi’a ke o Yaal oxe a hebil’uuna.

Mberaand 2:17

bo ta yoqaa ndaxar ne na andnooraa paax fo paaxeer, yaam a mbanuu moɗoona xa tim axe ten, xan o xon.»

2 Sami’el 4:11

Yaaga boog, nam warum o saɗgit saasaay kaa mbaritna o koor o cofu no mbind um, took-ee-took njong um? Ndiiki koy, xam laamit a nuun fo’oy um, moocand a nuun took lanq ke.»

A lim ale 26:65

yaam o Yaal oxe kaa lay’u yee: «Xan a nqon kam a koƥ-a-ƥor ale.» O leng na den koy yoq’ee, a refangeerna Kaleb fee o ƥiy Yefune fa Yosuwe fee o ƥiy Nun.

Mberaand 42:22

Ruben a laya a den ee: «Ndax lay’iim a nuun ee ba nu mbi o goor olene paaxeer? Kaa nu mbañ’aam o nan-giloox. Ndiiki koy, fo’oy um a yena took in.»

1 Sami’el 8:9

Ndiiki koy, nan-gilooxi a den, ndaa fat o maƭoox a den a paax too andnoor a den ke helna a den no xe na maadooxankaa a den.»

Heseki’el 33:12

Wo fee o ƥiy no kiin, layahini wiin we na xeet of ee: A koom aluu o cofu xe a soobooxna na pi a paaxeer, o cofel um mucilkiran, too o soxodu xe a fesangaa a cinj a pesoorooƭ a paaxeer um, paaxeer ke ta fi’na yaaga taxkiran o saŋkoox. Neene itam o cofu xe ñoowkee na pexey o cofel um yaa ta bakaadna.