Heseki’el 3:15 - NQAARIIT NE ROOG

¹⁵ Fadiidaam no ñaang laa Abiib, maa no we ƥiseena gilaa saax took o hup doole too a ngenoogu paam o xuluɓ ole Kebaar fo no mbiñ onqe da ngenoogna. Moofaam maaga ñaal ɓetuu ƭik, naqadiloox a ndeer den.

Heseki’el 3:15 Referans Kwoze

A kim a tedu ke 137:1

Kaa i moofoogu paam xa quluɓ axe Babilon, loolaa, yaam a yiif in a ngomaa a Siyoŋ.

Ke bindeena no xe ne’eena YOB 2:13

A moofa fo ten a lanq boo ñaal ɓetuu ƭik fo xa yeng den, too o leng na den layiran o ɗelem o leng sax, yaam a nga ne ta ɗomteel.

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Mberaand 50:10

Ye da mbadiidna Goren-Ataad refna kaltaa Yordaan, a nqaaraandaan maaga o xaaraand o maak, soo Yoseef a ñaawoox a faap um boo ñaal ɓetuu ƭik.

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Heseki’el 10:15

Maaga, pindel yeeyetax ke a ŋaaya, ndefna ndef ke ga’’uuma paam o xuluɓ olaa Kebaar.

Yeremi 23:9

Ke layeena no duleer we. Xeeñ es kaa gooy taa kam es, um sendaa ne fodeema fop. Kaam nandtaa o kiin o bayu, nen oxaa biiñ a adinna yaam o Yaal oxe fo fa lay fa tedu fee ten.

Heseki’el 3:23

Inooxaam soo sutoox kam a yulanq ale, too o ndam onqe no Yaal oxe a feeñooxa maaga, ne ga’it’anuuma deŋ paam o xuluɓ olaa Kebaar. Maaga, deɓooxaam a lanq gung.

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Heseki’el 1:3

fa lay fee no Yaal oxe a daawne a Heseki’el fee o ƥiy Buusi fee o saasadax, kam saax laa no Kaakalde we, paam o xuluɓ olaa Kebaar. Maaga mat, o ɓay no Yaal oxe a doonoorit’u took um.