A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.
Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.
Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!
O ndam onqe no Yaal oxe a yoɗoorta took mbindel yeeyetax ne, a sag no peg naa no Mbind Roog ne. Eel le a muura Mbind ne, soo o maax ole a naag dañ fo a qoolaand ale no ndam onqe no Yaal oxe.
Maaga, o ndam onqe na Roog fee Isra’el a yoɗoorta took mbindel yeeyetax ne, a jagin no peg ne no Mbind Roog ne, soo a xoy o koor oxe rokooxna njoor ne, a saq a pindir no qap um.
A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»
Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.
Reti soƥik we ƥiseena gilaa saax took o hup doole, xa ƥiy axe na xeet of, lay fa den, da nan-giloox mbaat da mbañ o nan-giloox, layi a den ee: ‹Keeke o Yaal oxe na refkaa boo faw a layu.› »