Heseki’el 3:11 - NQAARIIT NE ROOG

¹¹ Reti soƥik we ƥiseena gilaa saax took o hup doole, xa ƥiy axe na xeet of, lay fa den, da nan-giloox mbaat da mbañ o nan-giloox, layi a den ee: ‹Keeke o Yaal oxe na refkaa boo faw a layu.› »

Heseki’el 3:11 Referans Kwoze

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Heseki’el 3:27

Kaa koy, a mbanuu jeguuma kaa layoonga, xam waagnoorong fa lay. Maaga xan o lay a den ee: ‹Keeke o Yaal oxe na refkaa boo faw a layu: Fat oxe bugna o nan-giloox, a nan-giloox, soo oxe bugeerna o nan-giloox, a fañ o nan-giloox›, yaam xeet fa mbaafañ a ndefu.»

Heseki’el 33:30

Wo fee o ƥiy no kiin, wiin we na xeet of owe took of me lernooxna tabax ke fo na carind ake no pind ke, a layraa a ndeer den, oxuu refna fo o pog um, ee: ‹Acayo boog i nan-gilook fum fa lay inooru no Yaal oxe!›

Heseki’el 33:17

Wiin we na xeet of kaa layaa yee: ‹A ƭat ale no Yaal oxe jofee.› Kaa koy, ndax refee yee a ƭat den jofeeru?

Heseki’el 33:12

Wo fee o ƥiy no kiin, layahini wiin we na xeet of ee: A koom aluu o cofu xe a soobooxna na pi a paaxeer, o cofel um mucilkiran, too o soxodu xe a fesangaa a cinj a pesoorooƭ a paaxeer um, paaxeer ke ta fi’na yaaga taxkiran o saŋkoox. Neene itam o cofu xe ñoowkee na pexey o cofel um yaa ta bakaadna.

Heseki’el 33:2

«Wo fee o ƥiy no kiin, layi fo wiin we na xeet of! Fat o lay a den ee: Um ɓisiidangaa xire took saax, soo xeet fee no saax le a nqot o koor o leng a ndeer den, a ndalnin nen o yeeyetax,

Heseki’el 2:5

Ta ref ee a nan-gilooxa mbaat da mbañ o nan-giloox, yaam xeet fa mbaafañ a ndefu, xan da and ee o tuleer oxey a ndeer den.

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Dañel 6:13

Cinj kaaga, a ndeta, a soƥik o maad oxaa, a layin ee: «Daali maad, ndax bindiro kebil naa layna yee ndeer mene fo ñaal qarɓeen tadik, oxuu xeɗna a roog mbaat mbindeef lakas naa refeerna wo, wo daali maad, fat a deɓel maa cogoy kaa a mbegeena?» O maad oxe a doona yee: «Keene a woora, ne ta merna reftaa no kebil ke no Meemedi we fo Peepersi we mbaagaandeena laaf.»

Heseki’el 37:18

Maaga, xan we na xeet of a laamtong, ndax o xooland a den ke keene a tekitna.

Heseki’el 3:15

Fadiidaam no ñaang laa Abiib, maa no we ƥiseena gilaa saax took o hup doole too a ngenoogu paam o xuluɓ ole Kebaar fo no mbiñ onqe da ngenoogna. Moofaam maaga ñaal ɓetuu ƭik, naqadiloox a ndeer den.

A cangatin ale 9:12

Maaga, o Yaal oxe a layaxam ee: ‹Inooxi, ñof o fudook, yaam xeet fee wo sutoona no saax le Misira kaa laawoox. Kaa ñof o ƭap a ƭat ale joox’uuma a den, a njaw wurus, a mbi’in nitaal.›

A sutax ale 32:7

O Yaal oxe a laya a Moyiis ee: «Fudooki, yaam xeet fee wo sutoona no saax le Misira kaa laawoox.

Heseki’el 3:10

A layaxam ee: «Wo fee o ƥiy no kiin, fa lay fee um laykang fop, ɓekeen no xeeñ of too nan-giloortin nof of.

Heseki’el 3:12

Maaga, Yiif le a gifaxam, too nantaam a cinj es fangax combol maak ee: «O ndam onqe no Yaal oxe a hela o simattel no ngenand um!»

Heseki’el 20:27

«Ten taxu wo fee o ƥiy no kiin, layi fo mbind Isra’el. Fat o yegin a den ee: Keeke o Yaal oxe na refkaa boo faw a layu: Daan we nuun kaa mbenoogaam yaa da laltaa ngore’aƭar na mi.

Yeremi 29:20

Nuun koy, nan-gilooxyo fa lay fee no Yaal oxe, nuun fop we ƥiseena took o hup doole, nuun we o Yaal oxe a sutit’ina Yeerusaleem, a ɓis a nuun Babilon.

Heseki’el 2:4

Me no wiin weene saƭikna a qoox too a ŋajaa um lulang, ndax o lay a den ee: ‹Keeke o Yaal oxe na refkaa boo faw a layu.›