Heseki’el 28:3 - NQAARIIT NE ROOG

³ Ga’angi, wo hupu a Dañel o and, jegee kunpa fa leng faa andeeroona.

Heseki’el 28:3 Referans Kwoze

Dañel 1:20

A mbanuu o maad oxe a laamit’ina a den no kuu ta waagna waag o ref, too ta laamit o and fo o jeg-yiif, ke da ndoonoogna a gartooga took boo a caf xarɓaxay xa toonanqol axe no maɗag we fo ɗeet we no maat um fop.

Dañel 2:22

Ten na feeñlaa ke moƴna o ɗas, a and ke laqooxna no niɓaan ole, yaam a qoolaand ale kaa gen fo ten.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

Ke bindeena no xe ne’eena YOB 15:8

Ndax maadaa mbokatax ne Roog, boo jegooxaa o and, wo soom?

1 Maad we 10:3

Salomo a tekta o tew oxe fop ke ta laamit’uuna, too jeg’ee dara kaa laqoox’ina a Salomo boo waagiran o tekit.

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Heseki’el 28:15

Jeg’iro ŋañel leng na pesoorooƭ of no kaa xotitna na bes faa sakee’oona boo neene paaxeer ke a soƥe me wo.

Dañel 1:6

A ndeer no we njil’eena a jeg’a xa pes xa nahaq axaa mbog’ina na carind ale Yudaa, da ndef: Dañel fa Hananiya fa Misa’el fa Asariya.

Dañel 2:20

ee: «Gon le Roog a hela simatel bo na moos boo moos, ten fee yaal o jeg-yiif fa katil!

Dañel 4:9

Saqit le ten kaa neep’u bo, xa tim um a naang gañ, fop a ñoowaa teen. Muumeen ke na koƥ ale kaa yookooxoogu teen, tiiƭ ke a ndutaa na naaq um, mbindel nuu refna a xottaa no ten ñoowir um.