Heseki’el 28:2 - NQAARIIT NE ROOG

² «Wo fee o ƥiy no kiin, layi o kelwaar oxe Tiir ee: Keeke o Yaal oxe na refkaa boo faw a layu: Kaa o yeg’u a xoox of, lay ee: ‹Roog refum, mexe moofa na tungul ale no roog ke, no xeeñ le na xa maag axe›, too yaaga fop oo o kiin doŋ refo, refiro roog. Kaa o fodrandaa a qalaat of fo ake Roog.

Heseki’el 28:2 Referans Kwoze

Heseki’el 28:9

Mbaambir o baawar oxe wo, ndax xan o layahin ee: ‹Roog refum›? O kiin doŋ refo, refiro roog ɗuga o ɓay ole no xe na warang.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Esayi 31:3

Miimisira we wiin doŋ a ndefu, ndefee Roog. Pis ke den njer rek a ndefu, ndefee yiif. Yaa o Yaal oxe a yoɗkaa o ɓay um, oxe na ƴufgaa xan a tolof, oxe na ƴufgeel a yen, too den ɗik fop xan a saŋkoox.

Xa peƭit axe 16:18

A magnandax kaa gartaa o njakad, o nga’atinax a ɓisiidaa njom.

A kim a tedu ke 9:20

O Yaal oxe inooxi, ndax o kiin oxe ga’atinooxkee. Fat qeet ke a ngar mbaambir of, o hate a den.

Esayi 2:12

Bes fee no Yaal oxe Hupna fop xan a dal took fop ke magnandooxna fo ke ga’atinooxna, a fudin fop ke yoɗooxna.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

1 Timote 3:6

Waree o ref itam oxaa na sogaa o gim, yaam ndik o nga’atinax a rokin, ta yen no kate ne o ƈiƴ oxe a yenna.

Habakuk 2:4

Xeet feene kaa magnandoox too njofee. Kaa koy, o cofu xe xan a ñoow, yaam ne ta gimna na Roog.»

Heseki’el 31:10

Ten taxu keeke o Yaal oxe na refkaa boo faw a layu: «Feek kaa naag jiŋ fo geel um fop, o jul um a garit kol niɓu ke took, xeeñ um a magnandoox no geel um jiig le,

Heseki’el 28:17

Yegaa a xoox of yaam o mosel ole wo, sooƴnit o and ole wo o ndam onqe wo. Deɓaaxoong a lanq, liilong mbaambir no maad we, ndax da mbuudang.

Xa peƭit axe 18:12

A magnandax na gartaa o njakad, a neewandax o mat a adooxanaa o ndam.

2 Caloori ke 26:16

Kaa koy, o jeg doole le ten a ɓekaan na magnandax, boo a rim no ten kasaara yaam ta gore’aƭarat no Yaal oxe Roog um. Bes, a roka kam Mbind ne no Yaal oxe ndax ta doxan a xoox um cuuraay no sadaxand cuuraay ole.

A cangatin ale 8:14

fat nu mbootoox o magnandoox, mbeecit o Yaal oxe Roog nuun sutitna a nuun no saax laa Misira, maa nu ndeeƭna faɗ.

Mberaand 3:5

Roog kaa and ee mbanuu nu moɗuuna, xan a kid nuun a mbetoox, nu mbod fa Roog, and paax fo paaxeer!»

Mbeeñil 17:3

Yiif le Roog a gifaxam, soo malakaa fee a ɓisaam na koƥ-a-ƥor alaa. Ga’aam maaga o tew oxaa moofna took Ɓaanoor fa daalde’u fee, a may fo a kon a benir a Roog bo, a saq a qoox ɓetaa ƭaq fo xa can xarɓaxay.

Mbeeñil 18:7

Ndoonyo took um ƭomu fo toroxand kaa mbodirna fo o ndam onqe fo o neq ole ta jeg’ina. Kaa layooxaa yee: ‹Kaam moof mene nen o maad o tew. Refiim o ñaaw too andkiim ke ñaaw a refna boo muk.›

Esayi 23:8

An fosooxanu keene a Tiir fee lastoona fo ndip, ten oxe jula we a ndeeƭna gelwaar, soo jiijikax um a niw’el no lanq ke fop?

Esayi 47:8

Ndiiki boog, nan-gilooxi, woxe na ñaamaa jamaane of, moof a paax fo o yaadax too layaa yee: ‹Mi, jegiim o nand, andkiim ke ñaaw a refna boo muk too ñakkiim xa ƥees.›

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Heseki’el 26:17

Xan a mberanong a kim a mboy ee: ‹Nam saŋkoorto, nam moocto na xa maag axe, wo teeru fa njegu gon fee, jeg’ina katil took o maag ole, wo fo we ngenna me wo? Kaa o diidlandoogu fop we ngenna no maag ole.

Heseki’el 28:1

O Yaal oxe a daawnaxam fa lay um na xa ƭelem axene:

Sofoni 2:15

Keene na dalkaa teeru fa ƭaayu fee reeƭna no woor, a layaa taa no yiif um ee: «Mi doŋ refu meen!» Nam a yaqte neeke, boo a refat o koorand no muumeen ke? Fop we na ndeefkaa paam um xan a mbuuƴaa, a mbulaa a qoox.

Sakari 9:2

Fa lay fee no Yaal oxe xe nannooxaa kam Hamat, teeru fee detoorna fa Damaas, a fadnooxaa kam Tiir fa Sidoŋ, ke da kañeel yaam o jeg-yiif fop oo.

Heseki’el 29:3

Yaƥati too lay ee: Keeke layum, mi o Yaal oxe na refkaa boo faw: Xam ɓekong o ɓay, wo Firawon fee o maad Misira, wo fa noox fa maak fee na wondooxaa ndeer xa quluɓ axe wo, layaa yee: ‹Niil fee mi jegun, mi fi’oodun!›

Heseki’el 29:9

Saax le Misira xan a refat o mbiñ o mbootu fo a pec too xan da and ee mi refu o Yaal oxe. Kaa o lay ee: ‹Niil fee mi jegun, mi fi’oodun!›

Dañel 11:12

O maad oxe no ɓemb-roog o ñamaak xan a xaaƴoor o ndam onqeene, too ke ta warkaa war wiin cuni-cuni fop oo, taxkee o ndam onqeene a suur.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Dañel 11:37

A ƭat um yongkee no roog ke daan um a mbaɗooxoogna fo na roog fee rew we a mbex’ina, yaam kaa safkan ee ten hupu roog ke fop, too niwkee a den.

YEGIL MBAAX NE YEESU ne Lik a bindtuuna 14:9

Neene, oxe xurna a nuun, wo fo o kend of, a waaga o gar a layong ee: ‹Inooxi ɓand oxene ta moof.› Maaga, xan o sedat o ret moofik na seek alaa falakna.