Heseki’el 28:1 - NQAARIIT NE ROOG

¹ O Yaal oxe a daawnaxam fa lay um na xa ƭelem axene:

Heseki’el 28:1 Referans Kwoze

Heseki’el 27:36

Jula we a ndeer qeet ke xan a mbuuƴanang. Kaa o refat kaa na diidlandaa, refkatiro tus boo muk.»

Heseki’el 28:2

«Wo fee o ƥiy no kiin, layi o kelwaar oxe Tiir ee: Keeke o Yaal oxe na refkaa boo faw a layu: Kaa o yeg’u a xoox of, lay ee: ‹Roog refum, mexe moofa na tungul ale no roog ke, no xeeñ le na xa maag axe›, too yaaga fop oo o kiin doŋ refo, refiro roog. Kaa o fodrandaa a qalaat of fo ake Roog.

Yeremi 25:22

– maad we Tiir fop, we Sidoŋ fop fo we no fimb le kaltaa o maag ole,

Heseki’el 26:1

No hiid xarɓaxay fo hiid o lengandeer ole, no ñaal eetaand ne no nqool onqe, o Yaal oxe a daawnaxam fa lay um na xa ƭelem axene:

Heseki’el 27:1

O Yaal oxe a daawnaxam fa lay um na xa ƭelem axene:

Heseki’el 27:27

Kalal ke wo, luuma ke wo, cula ke wo, maamaag we wo fo ƴuuƴufin a kaal we wo, we na nqendandaa xa kef axe na kaal ake wo fo we na sofnooxaa cula ke wo, goor xiixire we wo fop ndefna me wo fo a ndeer mbokatax ne ndefna a ndeer of, fop xan a yen a ndeer ee ndeer xa maag axe a koom alaa o suuxkaa.

Amos 1:9

Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal:

Sakari 9:2

Fa lay fee no Yaal oxe xe nannooxaa kam Hamat, teeru fee detoorna fa Damaas, a fadnooxaa kam Tiir fa Sidoŋ, ke da kañeel yaam o jeg-yiif fop oo.

Sakari 9:3

Tiir kaa max saŋe me widuuna, a fokatanoox xaaliis fa nqoolu boo jegee naa ta fi’uuna, wurus um ee gañ nen lopopooƈ le no ped ke.