Heseki’el 27:6 - NQAARIIT NE ROOG

⁶ A njalta xa lafir axe wo kariñ ke Basan, soo o dung ole wo da mosandtin a ñiiñ fa ñiig, akaa ngatiidna Asuur, a ƥistiidel no fimb le Sipere.

Heseki’el 27:6 Referans Kwoze

Esayi 2:13

Xan a dal took taxar seedar ke Libaŋ fop njigidna, a naang lawlaw fo kariñ ke Basan fop

Mberaand 10:4

Xa ƥiy axe Yawan ndefu: Elisa, Tarsis, Kitiim fa Rodaniim.

Sakari 11:2

Nuun pilaawo ke, mboygooxyo, yaam taxar seedar ke a luƈtooxa, taxar mosu keene a yaqe! Nuun kariñ ke Basan, mboygooxyo, yaam suungaan le naag’ina firiis a gaakooxa!

Yeremi 2:10

Ƥeryo boog boo no fimb laa Sipere, no mudand, too ƭeet. Lulityo Kedaar, no batand, ngoroox a paax too ƭeet boo nga, ndax a jega teen nandu neene.

Yeremi 22:20

O Yaal oxe kaa tee: «Ŋaayi took xa coong axe Libaŋ too wuuq, wo Yeerusaleem! Jibni o ñuxur of took ñaang le Basan! Falaloorti took xa coong axe Abarim, yaam fop we mbesanoogoonga a nduguñe!

Esayi 23:12

A laya yee: «Wo Sidoŋ o ndoog onqe, o mbelakinax of a faga, wo fee gigin’eena, yeen andafuliro adna. O inooxangaa, ret boo Sipere sax oo, jegitkiro maaga a ñootnax.

A lim ale 24:24

Xan a kaal a inoortiid Sipere, a neewand a Asuur, a neewand a Ebeer, ndaa den itam a saŋkax a ƈufanaa.»

A lim ale 21:33

Cinj kaaga, a pulooxa soo a njang a ƭat ale Basan. Oog fee o maad Basan a sutooxa, a xetik fo Ii-isra’el we, a yoon fo xiixire um fop, ndax ta xire’it fa den Edari.

Esayi 23:1

Ke layeena na Tiir: «Nuun a kaal a maak a cula’ir ake na ndetaa Tarsis, ƭomatooxyo, yaam waax nuun a gefe tuƈ.» A yegaan, ye da inoorna no fimb laa Sipere, a ngataa.

Dañel 11:30

Xan a kaal no maamaag a inoor no mudand, a songiidin. Xan a gefiɗ, a naag cook, a nomtoor a ƭat ale ta garitna garit. Cinj kaaga, xan a fuux boo a buɓaa, a gomir fo ngiɓoor ne Roog a dalinna fa xeet um. Xan a nomtooxiid soo a damit we na mbeskaa a cinj ngiɓoor tedu ne.