Heseki’el 27:2 - NQAARIIT NE ROOG

² «Wo fee o ƥiy no kiin, ferani a Tiir a kim a mboy!

Heseki’el 27:2 Referans Kwoze

Heseki’el 28:12

«Wo fee o ƥiy no kiin, ferani o maad oxe Tiir a kim a mboy! Fat o layin ee: Keeke o Yaal oxe na refkaa boo faw a layu: Kaa o reeƭu o anddiloor no ñak sik, may muut fo o and, saq o mosel o jegee sik.

Heseki’el 19:1

«Wo koy, yoɗi a kim a ƭomatax no gelwaar we Isra’el.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Amos 5:16

Ten taxu, keeke o Yaal oxe Roog fee Hupna fop refna o Yaal es a layu: «Xan xa paɗax a njibit muu refna, a coytax a refat simnir. Xan o qooxoox sax a xurel, a geƈ helaar um, a xaaraandik, we a coytax a refna calel den a simel xa paɗax.

Amos 5:1

«Nuun mbind Isra’el, nan-gilooxyo a ƭomatax es took nuun.

Heseki’el 32:2

«Wo fee o ƥiy no kiin, yoɗani a Firawon fee o maad Misira a kim a ƭomatax! Fat o lay ee: Kaa o nandtoogu o njogoy o njanglax ndeer a saax ake, ref nen fa noox kam xa maag axe. Kaa o balnoogu xa quluɓ axe wo, noottaa poofi ke a caf of, jiqtaa a kal ake den fop.

Heseki’el 27:32

Kam naqad den, xan a mberanong a kim a mboy, a njoytooxang ee: ‹An nand’u nen a Tiir, nen a teeru fene gefeena tuƈ a ndeer o maag ole?›

Heseki’el 26:17

Xan a mberanong a kim a mboy ee: ‹Nam saŋkoorto, nam moocto na xa maag axe, wo teeru fa njegu gon fee, jeg’ina katil took o maag ole, wo fo we ngenna me wo? Kaa o diidlandoogu fop we ngenna no maag ole.

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Heseki’el 27:1

O Yaal oxe a daawnaxam fa lay um na xa ƭelem axene:

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»