Heseki’el 27:16 - NQAARIIT NE ROOG

¹⁶ Edoom kaa sofroogu fa wo no jale of le naag’ina gañ. Kaa ɓisiidoogu no luuma ke wo a ƥil a cafeñu a ne’e emerod, piis taalde’u, sarbo, pay coor, kooraay fo a ƥil a cafeñu a ne’e rubis.

Heseki’el 27:16 Referans Kwoze

Haahate we 10:6

Ii-isra’el we a mbi’ahina kaa faaxeerna na kid no Yaal oxe: Kaa mbaɗooxoogu a Baaliin, Astarteyiin fo roog ke no Aa-araam we, ke no Siisidoŋ we, ke no Moomowaab we, ke no Aa-amon we fo ke no Fiifilista we. A mbaasa o Yaal oxe, a mbañatin o ndagoox.

Heseki’el 28:13

Kaa o reeƭu kam Edeen, a ƭing ale Roog. Kaa o muuroox’u fo a ƥil a cafeñu akuu ndefna: sarduwaan, topaas, jamaa, kirisolit, onik, yaspe, safiir, eskarbuukle, emerod fa wurus. A ñal ake wo fo a liit ake wo, wo a ndefan’u, a njagandan’el bes fee sakee’oona.

2 Sami’el 15:8

Ye um refaa Gesuur kam Araam, kaam reg’u o Yaal oxe yee: ‹Bo o Yaal oxe a nomtiidaxama Yeerusaleem, xam ret Hebron, ɓoxotin sadax.› »

2 Sami’el 10:6

Aa-amon we a and’ata koy ee a mbuuxnoora a Dawid. Ten taxu da njaɓ o ndabid Aa-araam we ndefna Bet-Rehob fa Cooba xiixire cuni qarɓeen ƭik fo xiixire juni no we no maad oxe Maaka fo xiixire cuni xarɓaxay fo cuni ƭik waa ngenna Toob.

2 Sami’el 8:5

Aa-araam we Damaas a ƈufgiida a Hadadeseer fee o maad Cooba, soo Dawid a war na den goor cuni qarɓeen ƭik fo goor cuni ƭik.

Mberaand 28:5

Isaak a hebla a Yakoob, soo ta ret Padan-Araam maa Laban fee o ƥiy Betwel, o Aa-araam oxe, refna ref o camin Rebeka fee ya Yakoob fa Esawu.

Mberaand 10:22

Xa ƥiy axe Seem ndefu: Elam, Asuur, Arpaksad, Luud fa Araam.

Heseki’el 16:10

Ñiraaxoong piis ngemeñe, rokanong xa ñaaƭ ƭool ndinqu, laxasong sooy yelefu, soo muurong suwaa.

Heseki’el 16:13

Heloortaa wurus fa xaaliis, soo rokoox njoor fo suwaa fo piis ngemeñe. Kaa o ñoowtaa mbiɗel moku fo suum fo diwliin. Mosataa lool too jagaa fo maat.

Heseki’el 16:18

Jangaa ñirax kemeñe ke wo, ndax o muurit a den nitaal keene, sadax a den diwliin es fa cuuraay es.

Heseki’el 16:57

yaaga kañaan of huytafulaand. Ndiiki koy, wo yoqte no niwaƭarel ole roog we Edoom fo fop we mbiduuna a ndoonkang, den fo roog we no Fiifilista we siboonga me widoonga fop.