Heseki’el 27:12 - NQAARIIT NE ROOG

¹² «Wiin we Tarsis kaa sofroogu fa wo no jeg of ole naag’ina gañ. Kaa ƥisiidoogu no luuma ke wo xaaliis fa nqoolu, njelem ƥaal, buraag fa beteex.

Heseki’el 27:12 Referans Kwoze

Heseki’el 38:13

Saba fa Dedaan, jula we Tarsis fo a saax ake mbiduuna fop xan a laamtong ee: ‹Ndax kaa o jangiid o jeg ole? Ndax o walit kalal ke taxu o fokat a yaj no xiixire lene fop, ndax o ɓis xaaliis fee fa wurus fee, jang xa siir axe fo o jeg ole soo jaɓ paax mayu?›

Esayi 23:10

«Wo Tarsis o ndoog onqe, ɓaarooxi lanq of nen o xuluɓ ole Niil, yaam jegatiro waax.»

1 Maad we 10:22

O maad oxe a jeg’a no maag ole a kaal a maak a cula’ir akaa na ndetaa Tarsis, a yoon fo a kaal ake Hiiram. Jaf leng na xa kiid xa tadaq axuu ndefna, a kaal akeene a ngatoogu, a ƥisiid wurus, xaaliis, a ñiiñ fa ñiig, a koy fo a lamjaata.

Mberaand 10:4

Xa ƥiy axe Yawan ndefu: Elisa, Tarsis, Kitiim fa Rodaniim.

Yoona 1:3

Kaa koy, Yoona a inooxa ndax ta ƴuf Tarsis maa goƭna o Yaal oxe. A reta Yope, too a soƥa maaga a kaal alaa retoogna Tarsis. A rabda njootin ne, a rok na kaal ale, ndax ta yoon fo we ndetoogna Tarsis, maa goƭna o Yaal oxe.

Heseki’el 27:18

Damaas kaa jikroogu fa wo no jale of fo no jeg of ole naag’ina gañ, a rabditang biiñ fee Helbon fo leen fa ndan taw.

Heseki’el 27:16

Edoom kaa sofroogu fa wo no jale of le naag’ina gañ. Kaa ɓisiidoogu no luuma ke wo a ƥil a cafeñu a ne’e emerod, piis taalde’u, sarbo, pay coor, kooraay fo a ƥil a cafeñu a ne’e rubis.

Yeremi 10:9

Xaaliis fa nqawe faa ɓistiideena Tarsis fa wurus faa ɓistiideena Ufaas a mosandte. O seesex sexu a den, o paal wurus a xaw a den. Roog keene kaa ndokeel haŋik fa nqiiyiiy fo haŋik fa yeeq. Den fop no waane no kiin doŋ a ngatu.

Esayi 60:9

We ngenna na pimb ake, mi a yaakaaru, a kaal a maak a cula’ir ake na ndetaa Tarsis a adoox, a nomtitiidaa xa ƥeef na saax a koƭu ke, da saq wurus den fa xaaliis den. Kaa ƥoxotiidaa gon le no Yaal oxe Roog of o ndam, a simatiidaa o Tedu xe Isra’el ɓoxotoonga o niwel.

Esayi 23:14

Nuun a kaal a maak a cula’ir ake na ndetaa Tarsis, ƭomatooxyo, yaam saŋe nuun a luƈte.»

Esayi 23:6

«Nuun we ngenna paam o maag ole, ndefyo na coytax, ƈaktoox boo Tarsis.

Esayi 2:16

fo a kaal a maak a cula’ir ake fop na ndetaa Tarsis fo ake moƴna o mos.

A kim a tedu ke 72:10

Maad we Tarsis fo we na pimb ake xan a ƥisiidin ci’it, maad we Saba fo we Seeba a ƥoxotin a bateer.

1 Maad we 22:48

Na jamaane faaga, o maad jeg’ee no saax laa Edoom, ndaa gofornoor soom reeƭu maaga.

Mbeeñil 18:12

Cula keene koy ndefu: Wurus fa xaaliis fo a ƥil a cafeñu a mosu fo xa peme. Kaa njula’oogu itam piis mosu nen sooy fo daalde fo suwaa fo cuup. A njikooxoogahina o xos a qanq a cafeñu fo kaa fi’teena a ñiiñ fa ñiig fo a teex nqool fa xanjar fo njelem fo a ƥil marbar.

Heseki’el 27:11

We Arwad fo xiixire we wo kaa ndeer’u saŋe ke wo, soo goor we Gamaad a mbod took taax-took ke wo. Kaa lokoogu pegoor ke den no saŋe ke wo, a mbi boo o mosel of a ñak sik.»

Heseki’el 27:13

Yawan, Tubal fa Mesek kaa njikroogu fa wo. Kaa softoogu cula ke wo faɗ fo ƥaxañ xanjar.

Heseki’el 27:33

Boo cula ke wo a sutoox’ina o maag ole, giñnooroogaa qeet mayu. O jeg ole wo fo cula ke wo naang’ina gañ, a njegnoorooga maad we na adna fee halal.

Heseki’el 28:5

Na pexey o and o maak ole wo no njula, jegto halal fee wo, soo na pexey halal fee wo o yeg a xoox of.

Heseki’el 28:16

O njiriiñ onqe no njula ne wo a taxa o may muut fo a ƭom-yedar too bakaadaa. Suttaaxoong no joong ole Roog soo moocandong, wo mbindel yeeyetax ne, a ndeer a ƥil a sumu jip ake.

2 Caloori ke 9:21

O maad oxe a jeg’a no maag ole a kaal a maak a cula’ir akaa na ndetaa Tarsis, a yoon fo maamaag we Hiiram. Jaf leng na xa kiid xa tadaq axuu ndefna, a kaal akeene a ngatoogu, a ƥisiid wurus, xaaliis, a ñiiñ fa ñiig, a koy fo a lamjaata.