Heseki’el 26:8 - NQAARIIT NE ROOG

⁸ Xa ƥiy xa tew axe wo ndefna na koƥ ale xan a warit a den laƥ. Xan a yoɗ a uum lanq a songir took of, a maxanong a cuum lanq soo a sipanong pegoor maak.

Heseki’el 26:8 Referans Kwoze

Heseki’el 21:22

Mi o mat, xam foxaa, too xan fuux es a jeg ne ta bugna. Mi o Yaal oxe layun.»

Yeremi 52:4

Maaga, no hiid o ɓetuu nahkandeer ole no maat Sedekiya, no ñaal xarɓaxayandeer ne no nqool xarɓaxayandeer onqe, Nebukadnesaar fee o maad oxe Babilon a garana a Yeerusaleem, ten fo xiixire um fop. A sipa saŋe den mbaambir teeru fee soo a mbi a uum lanq a songir me widuuna fop.

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Yeremi 6:6

Keeke o Yaal oxe Hupna fop a layu: «Mbuuɓyo taxar ke, maxit a den a uum lanq a songir no saŋe ne Yeerusaleem. Teeru fee wareena o xaw oo, yaam ñagadil ƥor ndefu kam fee.

2 Sami’el 20:15

Yowab fo a yaj ale ten a ngara, a ƥiikil a Seeba na teeru feene. A mbi’a juum lanq boo ta matik cat ke no saŋe ne na teeru fee, cinj kaaga da ndef no ngasaa, ndax da njiƭit saŋe ne.

YEGIL MBAAX NE YEESU ne Lik a bindtuuna 19:43

Xan a jeg a pe akaa andoona yee xan fañ we wo a mbidong o kurul-keƥ, a mbegong, soo a ƥiiklong o saax oo saax.

Heseki’el 26:6

Xa ƥiy xa tew axe ten na ndefkaa na koƥ ale xan laƥ ne a ñaam a den, neene xan ta and ee mi refu o Yaal oxe.

Heseki’el 26:9

Xan a gom saŋe ke wo, a gaakit taax-took ke wo ƥonax qire’ir ke ten.

Habakuk 1:10

Kaa da nqaadnooxaa maad we, gelwaar we a ndef calat den. Kaa ƭeq-ƭeqnaa saŋe nuu refna, a njuumaa a uum lanq a songir paam um soo a njaɓin.