Heseki’el 26:21 - NQAARIIT NE ROOG

²¹ Xam fi’ong o refat kaa na diidlandaa, too refkatiro tus. Xan o waaƭeel ndaa ga’kaandee muk. Mi o Yaal oxe na refkaa boo faw layun.»

Heseki’el 26:21 Referans Kwoze

Heseki’el 27:36

Jula we a ndeer qeet ke xan a mbuuƴanang. Kaa o refat kaa na diidlandaa, refkatiro tus boo muk.»

Mbeeñil 18:21

Maaga, malaaka fa mayu katil a janga ɓil laa fodirna fo uu-un bele, a deɓin kam o maag ole, a lay ee: «Neene o mat, Babilon, teeru fa maak fee a riimitkaa fa doole, too o leng doonkatiran a ngid boo muk.

Heseki’el 28:19

Fop we andoonga a ndeer qeet ke a naqadilooxa yaam wo. Xan o ref kaa na diidlandaa, too refkatiro tus boo muk.»

A kim a tedu ke 37:36

A mooca too reeƭatee meen. Waaƭaanum, ndaa waag’ataand o ga sen.

Yeremi 51:64

lay ee: ‹Neene Babilon a riimitkaa, too inooxatinkee na taamaala fee o Yaal oxe a ɓisiidkaa took um. Xan da yen, a mbagiɗ tak.› » Meeke fa lay fee Yeremi a fagtu.

Yeremi 20:4

Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.

Heseki’el 27:1

O Yaal oxe a daawnaxam fa lay um na xa ƭelem axene:

Dañel 11:19

Cinj kaaga, xan o maad oxe a geleerooxan teeru cegu saŋe ke no saax um, ndaa xan a tolof a yen, a sooƴ boo xoo.