Heseki’el 26:2 - NQAARIIT NE ROOG

² «Wo fee o ƥiy no kiin, Tiir kaa jalaa a Yeerusaleem, a damtin ee: ‹A duguñe, ndokand neene no qeet ke! Me mi a ngeleerooxkataa. Xam mayat muut, yaam a fesa a pec.›

Heseki’el 26:2 Referans Kwoze

Yowel 3:4

Boo ñaal maak saɗarnooxu ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

Heseki’el 36:2

Keeke o Yaal oxe na refkaa boo faw a layu: O pañ oxe kaa layaa a nuun ee: ‹Coo! Coo! Xa coong xa miñu xeene in njegatu a den.›

Yeremi 25:22

– maad we Tiir fop, we Sidoŋ fop fo we no fimb le kaltaa o maag ole,

Heseki’el 25:10

Wetanaanum qeet ke no batand na songiidaa Aa-amon we, cooxin a den da njegkin, ndax Aa-amon we mbetandooxkataand a ndeer qeet ke.

Heseki’el 25:6

Keeke o Yaal oxe na refkaa boo faw a layu: «Feek kaa o fox, fecoox soo felakinoox, doon teen xeef a Isra’el tigi kam ee kam of,

A ƭomatax ake 1:1

Xar oo kene? Yeerusaleem oxey a moofa koƭoŋ-a-koƭoŋin, teeru feene suxoogna fo wiin. Kaa nandtataa o ñaaw, ten fee moƴ’ina o magin a ndeer qeet ke. Ten fee reeƭna lingeer fee no maat ke, a dame mbaƭ.

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

Yeremi 47:4

Ñaal ne Fiifilista we fop a saŋikkeel a fadiida. Yoqkatee o leng oxaa dimle’na a Tiir fa Sidoŋ, yaam o Yaal oxe xe gefaa Fiifilista we, yoqatin weene no fimb le Kaftoor.

Yeremi 27:3

Lulti a den o maad oxe Edoom, oxe Mowaab, oxe no Aa-amon we, oxe Tiir fo xe Sidoŋ, reefandin no duleer we den ngarna Yeerusaleem me Sedekiya fee o maad Yudaa.

A kim a tedu ke 83:7

Den ndefu wiin we Edoom fo we Isma’el, we Mowaab fo we Agaar,

A kim a tedu ke 70:3

Fat we mbugna njang o ñis es a seeƈaar soo a lupandoox. Fat we mbuganaxama taamaala a ndiƈatoox soo a naang ɓot a sed.

A kim a tedu ke 40:15

Fat fop we na mbaaƭaa maa njangitna o ñis es a seeƈaar soo a lupandoox. Fat we mbuganaxama taamaala a ndiƈatoox soo a naang ɓot a sed.

A kim a tedu ke 35:21

Kaa laaƈaxam ɗelem, a ndamtin ee: «Ahaa, ahaa! I nga’oodaan fo a kid in.»

2 Sami’el 5:11

Hiiram fee o maad Tiir a lula wiin maa Dawid, da ƥisin a teex ndaxar seedar, a lultin itam daadaaƴ fo waa na sexaa a ƥil, too weene a njalanaan mbind no maad.

Yosuwe 19:29

Cinj kaaga, a pulooxa farna fa Rama fa Tiir fee refna teeru fa njegu saŋe ne, a xot farna fa Hoosa soo a saltik no maag ole Mediterane. Maxalab, Aksib,

Esayi 62:10

Sutooxyo, ndeef na xa ton-maax axe! Mbodrandanyo xeet fee a ƭat, njagand a qal ale, mbatin a kac ake soo sipan qeet ke a laay a anddiloor alaa na ɗoxaa a den.

Heseki’el 25:8

Keeke o Yaal oxe na refkaa boo faw a layu: «Feek Mowaab fa Seyiir kaa lay ee: ‹Mbind Yudaa leng kut oo fo qeet lakas ke›,

Heseki’el 26:1

No hiid xarɓaxay fo hiid o lengandeer ole, no ñaal eetaand ne no nqool onqe, o Yaal oxe a daawnaxam fa lay um na xa ƭelem axene:

Heseki’el 35:10

Feek kaa o lay ee: ‹Xam jaɓ qeet ƭik kene, ndefna Isra’el fa Yudaa fo a saax a ƭak ake den, too xam jegat a den›, ke o Yaal oxe a genna teen fop oo,

A kim a tedu ke 40:16

Fat we na nqeseeyaxam a njaaxiɗ na gaci fa ƭomu fee da njegkaa.